龍華酒店開幕於1938年,係香港唯一嘅園林酒店,至今已經營88年仍然屹立不倒,當中嘅過人之處,今日我哋就親身體會到,映入眼簾嘅燈籠通道、庭園、孔雀以及古色古香嘅裝潢,由入門口嘅一刻都充滿儀式感,走進古樸餐廳內,充滿懷舊氛圍,牆壁上掛滿李小龍以及多個名人嘅照片,就連金庸及李小龍都係龍華嘅食客,當年亦有多部經典電影在這裡實地取景。點擊圖片放大 +4 沙田三寶有乳鴿、雞粥及豆腐花,今次我哋叫咗呢個二人餐就已經有乳鴿及豆腐花兩寶,另外仲有白肺湯、蒸鮑魚、龍蝦伊麵及杞子時蔬,非常豐富,居然都只係$590。養生開懷二人餐$590🥢龍華燒乳鴿2隻呢個套餐有一人一隻龍華名物燒乳鴿,真係超滿足,滷水汁夠哂入味,肉質緊緻香口,撕開爆發肉汁。 🥣懷舊杏汁白肺湯奶白色嘅湯汁,聞落充滿堅果香,飲落濃郁順喉,口腔充滿杏汁嘅餘韻。 🥢陳皮蒜蓉蒸鮑魚鮑魚新鮮鮮甜,口感爽彈,配上大量蒜蓉,碟底鋪滿爽滑粉絲,索滿蒜蓉及鮑魚汁嘅精華,口感鮮香。 🥢芝士龍蝦球伊麵大大隻龍蝦,爽彈鮮甜,口感軟糯嘅伊麵掛滿濃郁芝士醬汁,入口濃厚鹹香。 🥢杞子上湯浸時蔬爽脆白菜仔、腐皮及杞子浸於上湯內,口感清新,啱哂盛夏嘅天氣。 🍯石磨豆腐花沙田三寶之一嘅豆腐花,豆味超濃郁,入口絲滑,配以桂花糖,倍覺清香。 🥢翡翠金銀蒜蒸扇貝$188散叫咗個扇貝,有8隻都唔錯,口感鮮甜爽彈,最正嘅又係非常多蒜蓉,粉絲掛滿蒜香及扇貝嘅精華,都幾惹味。 🫖茗茶每位$13 📍龍華酒店 (下禾輋)下禾輋22號地舖