呢間於Megabox嘅全新韓式居酒屋，裝修簡潔清新，有個空中花園，視野非常開揚，可於270°天際線下欣賞靚景，相約朋友食下嘢，chill下，確係唔錯。🥢海膽紫菜包飯$260海膽新鮮creamy又甘甜，豪華級嘅紫菜包飯。 🥢水冷雪梨 $65薄切雪梨非常清甜，伴以清新嘅QQ啫喱一齊食，口感倍覺清爽， 啱哂盛夏嘅天氣。 🥢炸釀青椒 $55表面脆漿炸到脆卜卜，青椒微辣爽脆，釀入牛味濃郁，富咬口感嘅牛肉粒，整體口感充滿層次又惹味。 🥢辣拌綜合魚生 $220拼盤好豐富，魚生、帶子及海膽都鮮甜新鮮，拌以清爽辣汁，增添風味。 🥢烤牛扒 $280烤牛扒口感帶嚼勁，牛味濃郁，附上3款醬汁，魷魚醬、鹽油醬及麵豉肉醬，牛扒蘸不同嘅醬汁各有特色，更附上芝麻葉醃蘿蔔，清新味蕾。 🥢蔥油蟶子$120蟶子大大隻，超新鮮，質地爽彈鮮甜。 🍸Lavender Seoul $118以紅酒、檸檬汁及薰衣草調配，味道醇厚嘅紅酒帶淡雅嘅花香味，口感馥鬱芳香。🍸The Night Begins $108真露、菠蘿汁及青檸汁調配，帶菠蘿嘅清爽甜香，消暑一流。 🧆免費前菜有醬油粉絲、魚仔果仁及辣辣泡菜，3款前菜都唔錯。點擊圖片放大 📍曲水宏照道38號企業廣場5期MegaBox18樓1802號舖
