酒樓位於沙田萬怡酒店1樓，一入門就見5個超可愛黃色人形公仔迎宾，氣氛超有親切感！ 餐廳設觀景落地玻璃，視野開揚無阻隔；流線型造型燈飾點綴全場，光影閃爍猶如銀河星海，裝潢華麗奪目，氣派十足。 🥢 海陸空鮮味聚寶盆 $598 4人份量食材超豐盛，人均只需 $149.5，性價比超誇張！ 顧名思義海、陸、空一次滿足：7款生猛海鮮＋陸地排骨＋禽類乳鴿，款式多到眼花繚亂。 • 蒜蓉生猛龍蝦：龍蝦肉質彈牙爽口，配上濃香蒜蓉，香氣爆燈超正！ • 豉汁蒸蟶子：蟶子鮮甜爽脆，吸收滿滿豉汁鹹香，配粉絲一齊食超惹味。 • 蒜蓉粉絲蒸元貝：元貝大隻彈牙，粉絲吸盡蒜蓉精華，每一口都超入味。 • 清蒸深海龍躉腩：厚切大大件，肉質厚實嫩滑，魚皮Q彈滿滿膠質。 • 果皮薑絲蒸鮮鮑魚：鮑魚鮮嫩唔韌，陣陣果皮香氣，有效去腥提鮮。 • 爽滑沙白：質地鮮嫩完全無沙，食得安心又清甜。 • 鹹淡水游水大頭蝦：蝦頭飽滿蝦膏甘甜，蝦肉緊緻厚實超新鮮。 • 豉蒜南瓜蒸排骨：排骨軟腍入味唔嚡口，配綿密南瓜，送飯一流。 • 豉油皇乳鴿：肉質軟嫩多汁，鹹香入味，越食越有滋味。 • 清甜勝瓜：墊底配菜清爽解膩，平衡成盆海鮮油潤感。 店家仲貼心附送3款專屬醬汁： 秘製海鮮豉油、泰式酸辣汁、泰式生蝦汁 ，每款海鮮本身已用豉、蒜、薑調味，新鮮夠晒原汁原味，唔蘸醬汁都一樣超好味！ 🥢 巧手紫菜煎鮮蝦餅 $188 熱辣辣上枱已經香氣撲鼻，入口爆汁鹹香十足 紫菜風味提升口感層次，爽口彈牙，鑊氣滿分，佐酒必點一流之選。 🥢 泡椒辣掌翼 $68 鴨翼肉質緊緻有彈性，鴨掌皮質嫩滑 ，泡椒酸香帶微辣，吮骨超入味，越食越過癮！ 🫖 茗茶每位 $20 🧆 小食茶芥 $20 餐牌選擇非常豐富，不時推出優惠套餐同季節限定美食。點擊圖片放大 場地闊落舒適，無論家庭聚會、朋友聚餐都超適合。 店內招牌白胡椒蟹、紅燒乳鴿、陳皮燒鵝人氣極高 ，搭配意大利南部 Yara Rosso Molise 紅酒，果香馥郁、口感細緻圓潤 夾住海鮮、燒味一齊品嚐，簡直完美絕配🍷 另外餐廳全年供應外賣盆菜，支持外送、自取 屋企節日聚會、Party 隨時可以預訂，方便又夠體面！ 📍星海薈 (沙田)沙田安平街1號香港沙田萬怡酒店1樓 (港鐵石門站C出口)☎️2811 9068
