餐廳裝修高雅簡潔，位於29樓，居高臨下，並設有落地大玻璃，可以飽覽到270度嘅維港靚景，仲可以坐响吧檯位席前欣賞到師傅嘅手藝，確係儀式感滿滿。😋晚市9道菜每位$1688 🥢先付富山灣螢光魷魚帶淡淡嘅煙燻香，食落一口爆汁好過癮，北海道馬糞海膽超鮮甜綿密，配上土佐醋啫喱，發揮其重要作用，將整道菜溝通起來，再加埋蕪菁菜及紫蘇花穗，整體充滿層次與風味。 🥢炸物毛蟹可樂餅外面香脆，裡面完全充斥住鮮甜多汁嘅蟹肉並混合甜香百合蓉，食落不單止全無油膩感，感覺仲好清爽添。 🥢碗物多汁清甜嘅白菜卷住爽彈腍滑嘅魚翅並浸於蕪菁清湯中，充滿海洋氣息。 🥢刺身 • 青瓜間八卷，清爽鮮甜帶點柚子香，仲有新鮮脆卜卜嘅三文魚籽。 • 炙燒過嘅金目鯛腍滑鮮甜，而鰆魚就肉質細嫩甘甜，揤點酸柑汁更覺清爽鮮甜。 • 北海道產嘅大拖脂香四溢，甘甜軟嫩，赤身爽口鮮甜，魚味濃郁。 🥢蒸物輕輕燒過嘅鯛魚白子口感綿密creamy並富厚實口感 ，茶碗蒸內亦藏有白子，呢粒就無燒過，口感相對軟滑柔嫩，面頭灑上柚子皮，減膩添香又清新。 🥢天婦羅甘鯛天婦羅，香脆度真係攞滿分，炸到魚皮鬆脆香口， 肉質腍中帶點質感，蘸點蝦醬春野菜汁一齊食，鹹香中帶清甜，非常滋味。 🥢肉料理薄燒鹿兒島和牛肉味濃郁口感軟腍，面頭嘅玉子泡泡充滿空氣感而且非常有蛋香，泡泡蛋、薄燒和牛及壽司飯，三者配搭出不平凡嘅口味。 🥢食事鱈場蟹雜炊，雜炊內有好多蟹肉又富蛋香，加埋米通及紫菜一齊食更具風味，配上香而不辣嘅芥辣長芋及爽脆牛蒡漬。 🥢甘味焙茶布丁口感細膩絲滑，充滿焙茶香，與脆卜卜嘅焦糖粒一齊食，口感兩極，成就非一般嘅滋味。 😋名物追加$298由上層起係充滿空氣感嘅紅菜頭芥辣泡泡，綿腍creamy海膽，鮮甜彈糯嘅牡丹蝦及油脂豐盈又甘甜嘅吞拿魚腩，再疊於香脆無比嘅天婦羅紫菜上，並灑上淡雪鹽，滋味無窮，果然係鎮店名物。點擊圖片放大 +2 📍和緣干諾道西48號干諾中心29樓
