同朋友行到攰攰地，見到呢間餐廳裝修簡潔舒適，而且仲有Brunch供應，二話不說入去試下。Auntie Maria's Brunch Set 每位$2883 Course包咗前菜、主菜及甜品。 🧀前菜開心share嘅前菜以長長木盤盛載，非常豐富睇見都開心： • 精選意式凍肉拼盤：包括有口感Q彈嘅巴馬火腿、軟滑嘅意式肉腸及微辣煙靭嘅莎樂美腸，3款同樣都鹹香好味，餸酒一流。 • 酥炸魷魚配水瓜柳及檸檬蛋黃醬：炸魷魚嫩腍香脆，又夠juicy ，配上檸檬蛋黃醬口感清新，配搭得宜，水瓜柳鹹酸清爽，解膩一流。 • 蕃茄粒普切塔多士配意式蒜蓉烤麵包：香脆嘅烤麵包配上清新嘅蕃茄粒，簡簡單單都已經好好味。• 另外仲有塔雷吉歐芝士、藍芝士，與及燒過嘅紅椒及火箭菜，真係超豐富。 🍝主菜• 蒜香白酒蜆肉意粉：蜆肉漲卜卜鮮甜又多汁，每條意粉及蜆肉都蘸滿清新嘅醬汁，帶點酸爽、蒜香及香草嘅味道並配以甜而不辣嘅紅椒，整體鮮爽清新唔膩。 • 蕃茄煙肉條紋長通粉配風乾豬面頰肉：風乾豬面頰脆口鹹香，脂香濃郁，加埋Q彈煙靭嘅長通粉，與酸甜濃厚嘅蕃茄醬非常之夾，惹味嘅組合。 🍰甜品• 招牌提拉米蘇：酒香味超香濃，口感絲滑入口即化，充滿濕潤感。 • 芝士蛋糕配士多啤梨醬 ：芝士蛋糕口感綿密creamy ，餅底充滿玉桂香味，配以香甜嘅士多啤梨醬，口感豐富滋味。 🍸Espresso Martini $78面層泡沫綿密順滑，咖啡與堅果味超濃郁，結合伏特加，特顯醇厚，餘韻悠長。🍹Campari Spritz $88口感清爽亦帶濃濃嘅草本香氣，苦與甜平衡細膩。點擊圖片放大 📍Ask For Alonzo (新城市廣場一期)沙田正街18-19號新城市廣場一期1樓165A號舖
