餐廳寬敞開揚，充滿空間感，有壽司吧檯及鐵板燒吧檯，同時亦有舒適嘅用餐區，裝修高雅大器。午市壽司及鐵板精選套餐每位$450 🥗沙律有super food藜麥及新鮮蔬菜，配上芝麻醋汁，清新開胃。 🥚茶碗蒸蒸蛋滑溜溜，裡面仲有白果、鮮菇及雞肉，又滑又有口感。 🍣壽司3貫• 左口魚：口感爽滑又充滿魚油香，以柚子提鮮，清新爽香又可減膩。 • 平政：煙燻過嘅平政煙燻味餘韻悠長，但又唔會蓋過魚香，鹹鮮爽甜又濃香。 • 深海池魚：口感爽脆，魚味濃郁又充滿脂香。 呢度嘅壽司飯真係做得好好，口感濕潤又夠鬆軟，軟硬度適中。🍛香蔥碎吞拿魚腩飯吞拿魚腩肥美鮮甜，口感綿滑，配以酸甜鹹香嘅醃黃蘿蔔、清香辛辣嘅蔥花及蔥白，與日本芥辣混合一齊食，滋味滿點。 🦐鐵板蝦鮮蝦超大隻，煎到熱辣辣，蝦嘅鮮香撲鼻而來，味道濃郁又爽彈，配上多汁車厘茄及意大利青瓜。 🥩美國特級牛肉薄燒薄燒牛肉口感軟嫩，卷住鹹香juicy嘅蔥花，食落牛味濃郁亦帶蔥花嘅清爽，蘸點濃香嘅芝麻辣椒醬，好味指數double up。 🥘鐵板炒飯飯粒炒到熱辣辣，粒粒分明，香爽惹味；想濕濕地嘅可選烏冬或蕎麥麵。 🥣味噌湯加咗蝦頭嘅味噌湯，鹹鮮暖胃。 🍧甜品• 榛子雪糕：帶有粒粒榛子碎，所以綿密中亦不失口感，充滿榛子香味。• 柚子雪葩：富清新嘅柚子香，清爽唔甜。點擊圖片放大 +3 📍旭希雲街38號地下2號舖
