新開嘅鐵板燒餐廳，8道菜嘅午市鐵板套餐居然都只係$198，包咗前菜、沙律、蒸蛋、海鮮、肉類、炒飯與煎蛋、味噌湯及雪糕，價錢非常親民，當然要試下喇。 餐廳空間感十足，非常開揚，裝修簡約但盡顯心思，天花有隻雪場蟹嘅大型裝置，非常吸睛，更有落地大玻璃可欣賞到維港美景。🥢梅酒蕃茄啫喱凍 梅酒啫喱入口水潤，梅味濃郁，與清新蕃茄及鹹鮮蟹肉嘅組合好夾，香甜清爽，好開胃嘅前菜。 🥢是日沙律 簡簡單單嘅蔬菜沙律配柚子汁，酸爽健康。 🥢蟹肉蒸蛋 熱辣辣又富蛋香嘅蒸蛋混合埋鹹鮮蟹肉汁一齊食，入口滑捋捋。 食住前菜嘅時候，師傅已經為我哋準備食材，並且大顯身手，烹調我哋嘅食物，可以近距離欣賞到師傅嘅手藝確係賞心樂事。 🥢大虎蝦 虎蝦本身已經夠鮮甜爽彈，再蘸上風味濃郁嘅蝦膏醬汁，鮮甜度倍增。 🥢沖繩豚肉脆卷 外層嘅脆皮包住口感軟嫩脂香甘甜嘅豚肉，並卷住多汁洋蔥及香菇，層次口感豐富。 🥢蟹肉炒飯炒得乾身唔油膩，飯粒煙韌爽口，每啖飯都充滿蟹肉嘅鮮香，可想而知蟹肉量甚多。 🥢零油感煎蛋 看似簡單嘅煎蛋其實係最考功夫，仲要係不加一滴油嘅獨門煎蛋技藝，睇住師傅以純熟嘅技巧，三兩下手勢已經將隻蛋煎到靚靚，蛋白金黃而嫩滑包裹住橙紅色嘅流心蛋黃，食落蛋味濃郁，同時又真正做到零油感嘅效果。 🥣味噌湯味噌湯濃郁但又唔會死鹹，內有蘿蔔、嫩豆腐及日式麵筋。 🍧雪糕有充滿堅果香嘅開心果及傳統雲呢拿雪糕可選擇。 🍹富士山柚子梳打(單點)🍹富士山提子梳打(單點)食日式鐵板燒當然要配返個充滿日本氣息嘅飲品，柚子梳打夠清新而 提子梳打就夠香甜。 🥢鐵板鵝肝伴油條(單點)創新fusion菜式，煎到外脆內軟嘅港式地道小食油條，再配合入口即溶嘅鵝肝及多汁菠蘿相伴，口感香脆甘香。 🫓而家新張開幕首月內，點讚同埋追蹤社交平台HIBI Teppanyaki，就可免費獲贈即製仙貝蝦餅，真係好脆卜卜又鹹香。 除咗午市親民價$198套餐之外，仲有幾款全日餐，見到隣座食超生猛大大隻南非鮑魚、蟶子皇、蟹肉牛角包等，就算食飽咗都流哂口水，約定朋友下次再嚟食過。點擊圖片放大 📍日々鉄板焼き HIBI Teppanyaki廣東道3-27號海港城海運大廈地下OTG57號舖
