呢間店舖裝修Funny又Cyber，以本地原創外星人為主題，並且係香港首間路軌燒肉餐廳，有燒肉食不特止，而家menu更加豐富，仲增加咗火鍋添。 🥢海鮮盛配牛五花/橄欖豚五花套餐$178• 海鮮盛有爽彈大蝦、鮮甜帆立貝、Creamy廣島蠔及帶有原粒墨魚嘅明太子墨魚滑，幾款海鮮都超級新鮮。 • 另外自選100g肉揀咗牛五花，食落都好嫩口。• 蔬菜盛色彩繽紛，睇落都知充滿豐富營養素。 • 揀咗個清香嘅昆布湯底，另外仲有沙爹、壽喜燒及麻辣湯底可選擇。 • 採用日本月越光米嘅白飯，升級紫菜溫泉蛋飯+$15，另外白飯份量仲有三個級別可自由選擇，啱哂各人所需。 • 火鍋3款調料中我哋最鍾意柚子醋，清新爽香。 🥢宮崎A5和牛套餐200g $2683款和牛包括有👇： • 肩胛肉眼心：脂香甘甜又彈牙。 • 上等牛肩胛：肉味濃郁，口感紥實。 • 牛肩胛腋板：油花分佈得最平均，嫩腍鮮甜甘香。 • 套餐包咗和風湯及泡菜/沙律，白飯升級紫菜溫泉蛋飯+$15。•燒肉嘅調料有6款，我哋覺得燒肉蘸梅子醬汁好正，而灑點岩鹽可增加鮮味。 🥢富士蘋果地雞80g$28雞肉嫩滑爽彈，仲帶有淡淡嘅蘋果味。 🥢海老蒜蓉燒$25鮮蝦夠哂新鮮爽彈，配合超多蒜蓉，非常惹味。 🍺Sapporo啤酒$25燒肉與火鍋嘅最佳拍檔莫過於啤酒。🍹香水檸檬鳳凰單叢茶$19多款限時優惠嘅特價飲品，呢款香水檸檬夠哂清香，解膩一流。 無論係火鍋定係燒肉，每個套餐嘅份量都唔野少，而且食得出店家嘅用料及食材都非常高質又新鮮；餐具紙巾收納乾淨企理；仲有免費加大飯及18:00前結帳唔收加一添；而家營業時間仲延長到凌晨1點，夜晚心思思想食番餐都仲得。點擊圖片放大 📍EaT燒肉大涌橋路20-30號河畔花園地下19-20號舖
