Best friend 生日，一定要請佢食大餐，佢鍾意打卡、鍾意浪漫、鍾意櫻花，不期然就諗起呢間打卡人氣餐廳。餐廳以白色為主調，並以鮮花裝飾，充滿浪漫，座位寬敞，坐得舒服。花間春醒雙人餐$1188，包咗湯品、沙律、前菜、主菜、春日精選、甜品及飲品，非常豐富，無論用嘅食材及賣相都充滿春天氣息。🥣湯品• 香濃花廚特色蘑菇湯放上檯已經聞到蘑菇香，湯頭creamy濃郁。 • 溫潤蕃茄牛肉湯味道酸酸甜甜，湯內有好多蔬菜，牛肉粒有咬口感亦有牛味。 🥗沙律• 花廚特色蜂蜜烤南瓜沙律口感豐富，有軟腍香甜南瓜及香脆南瓜子，綿密腍香紅腰豆及鷹嘴豆，綿滑牛油果，juicy清爽車厘茄及櫻桃蘿蔔，新鮮沙律菜及蛋香味濃郁嘅流心蛋。 🍤前菜• 櫻花醬脆皮黑虎蝦超爽口大大隻虎蝦，炸到外皮夠哂香脆而內裡超爽彈又juicy，配埋上層嘅櫻花奇妙醬及下層嘅蕃茄牛油果沙沙醬，Yummy。 • 酥酥三文魚配柚子醋芝麻醬呢道菜充滿日系感覺，表皮酥脆，三文魚嫩腍juicy，唧上檸檬汁及蘸點醋芝麻醬令口感更加清新。 🍗主菜 • 黑松露香草烤三黃雞(半隻)三黃雞肉嫩油香，配菜仲有原片厚切黑松露、super food牛油果、多汁車厘茄及綿腍南瓜蓉，豐富又健康。 🥘春日精選 • 羊肚菌黑松露火腿燜飯揭開蓋嘅一刻香氣湧出，賣相亦非常吸睛，食材舖滿飯面，而且都係春日之時令，包括有春筍、羊肚菌、雜菌、火腿及大量嘅黑松露醬飯，食落飯粒清爽煙靭，味道濃郁惹味。 🍨甜品 • 櫻花之園巴菲杯爆發少女心嘅粉紅色巴菲，充滿浪漫櫻花氣息，打卡度高，層層疊嘅食材有士多啤梨及雲呢拿雪糕、Mascarpone Cheese、櫻花啫喱等。 🍹飲品 • 櫻花氣泡飲用上鹽漬櫻花，飲落清新爽香，有大地回春嘅感覺。 • 蔓越莓玫瑰花果茶壺上嘅花果茶，啖啖暖胃，玫瑰嘅香氣令人放鬆又清香，加埋蔓越莓，味道酸酸香香。點擊圖片放大 📍Tomacado 花廚告士打道280號世貿中心2樓L2-06號舖
