凍凍地又想食和牛，就諗起有煎煮風格嘅壽喜燒，今次去咗駱駝漆大廈呢間主打食關西風壽喜燒嘅店舖，晚市套餐每位$499，包咗3款精選A5和牛部位及1款自選部位並附日本蛋，仲有季節限定嘅2款前菜、茶碗蒸、野菜拼盤、珍珠飯、舞茸海鮮湯及甜品。 餐廳檯與檯之間擺放咗竹屏風，空間感及私隱度十足；職員全程為我哋煮和牛及蔬菜，唔使自己動手嘆住食超正。🥢前菜• 海膽三文魚籽紋甲魷魚：綿密海膽，鹹香三文魚籽，內藏鮮甜紋甲魷魚，口感豐富。 • 汁煮鮑魚大根：鮑魚鮮甜，大根入味。 🥢茶碗蒸料頭非常豐富嘅茶碗蒸，面頭有鮮甜蟹膏及甜蝦，而滑溜嘅蒸蛋內有冬菇、蟹柳、素翅及枝豆。 🥢和牛壽喜燒包咗3款精選嘅A5宮崎和牛，包括有西冷、肩胛芯及沙巴當。 • 西冷：軟腍肉味清甜。 • 肩胛芯：牛味濃郁，肉質軟嫩中不失口感。 • 沙巴當：脂香甘甜，嫩腍味濃。 • 另有1自選部位，試完3款後可從中揀出最喜愛嘅1款，我哋覺得無論口感定味道肩胛芯係最平衡。 🥢野菜拼盤有心裡美、燒豆腐、冬菇、菠菜、日本粉絲、大蔥、黃芽白及雞髀菇，店員好貼心，每款和牛都配合不同嘅蔬菜一齊食。 🍚珍珠飯有咁正嘅和牛壽喜燒點少得珍珠飯，仲可以無限添加。 🥣舞茸海鮮清湯雖然係清湯，但係味道濃郁。 🍮自家製焦糖雞蛋布甸布甸蛋味濃郁，口感細滑綿密，帶淡淡嘅焦糖香，自家製果然夠高質。 🍨豆腐雪糕豆腐味超濃郁，雪糕質地軟綿並帶點黏糯感。 順帶一提，店家供應白桃茶，味道清香又解膩。 📍喰楽開源道60號駱駝漆大廈第三座9樓H室
