餐廳位置鄰近宋皇臺站，交通非常方便，餐廳裝修好有泰式酒吧風格並帶點城寨風情，好有feel。🥢燒和牛$188和牛表面燒得夠哂焦香，炭香味濃，內裡肉嫩juicy，而且肉味濃郁，就咁食已經好好味，再配埋附上嘅特色茄子醬、秘製醬汁及青瓜，更具風味。 🥢船麵金邊粉(豬)$88厚切豬肉片口感嫩彈，仲有爽口肉丸、炸脆豬皮、肥仔芽菜及通菜，餸菜豐富，Q彈金邊粉沾滿濃郁湯汁，喜歡濃味及嗜辣嘅我哋，添加咗店家供應嘅青檸辣椒魚露，風味更為突出。 🥢泰式炒金邊粉(蝦)$88金邊粉炒得夠哂乾身，口感亦同樣Q彈，有鮮蝦及豆乾並灑上花生碎，又有新鮮爽脆多汁嘅肥仔芽菜，令本身惹味唔膩嘅炒金邊粉增添多份清爽。 🥢烤魷魚鬚$88魷魚鬚真係烤到好有炭香味，口感嫩滑爽彈，配上酸酸辣辣嘅醬汁好夾。 🥢青木瓜蝦沙律$78鮮蝦大大隻亦夠爽彈，青木瓜食落清新爽脆，再加埋豆角及車厘茄，開胃指數高。 🥢飛天通菜$78炒得清爽唔油膩，食落爽口無渣。 🧉椰青$48食到個口辣辣地，飲番個清甜解辣又解膩嘅椰青確係正。🍺星霞啤$38食泰國菜無理由唔飲泰啤囉，麥味濃郁，清爽順喉，配烤魷魚鬚一流。點擊圖片放大 +4 📍銅羅龍崗道19號地舖
