今時今日嘅中式小炒老舖買少見少，仲要係用心又好味嘅就更加難搵，今次朋友介紹呢間中菜館絕對稱得上係大圍嘅隱世街坊老店，睇得出每道菜都花上心思，更食出小店嘅人情味。🥢蒜香籠仔蒸蝦飯$258蒸到熱辣辣，揭開荷葉嘅一刻蒜香味爆發，鮮蝦爽彈鮮甜配合大量蒜蓉惹味非常，啱哂蒜蓉控嘅我哋，炒飯底與眾不同，加咗海量蝦米使得米飯食落更加鮮香，飯粒口感亦夠哂爽身。點擊圖片放大 🥢薑絲蒸馬友$168自家製嘅鹹鮮馬友，魚味甘香濃郁並帶淡淡嘅鹹香，油脂豐盈，肉質超嫩滑，風味一流，必試。 🥢芝麻百花釀茄子$138原條茄子釀上墨魚百花，造型一流，墨魚百花非常爽彈，配上綿腍又多汁嘅茄子，並灑上芝麻，食落口感層次豐富。 🥢蜜汁反轉雞中翼$128反轉咗嘅雞中翼食落啖啖肉，外面酥脆內裡肉嫩，配上帶香辣黑椒味嘅甜甜蜜汁，味道香濃又惹味。 🥢每檯奉送例湯及小食，當日例湯係老火西洋菜湯，湯頭清甜，仲有好多西洋菜添；小食係鳳爪，口感爽脆，噒腳趾啱哂我哋。 小店係老舖，非常多街坊幫襯，人情味濃郁，廚師手藝一流，出品有質素及食出那份心機，確實係大圍嘅隱世老店。 📍金城小廚積運街2-8號海福花園商場地下33號舖
