今次去呢間每日新鮮直送食材嘅日式小店食午餐，季節壽司12件$420，當然包咗12件壽司喇，仲有茶碗蒸、味噌湯及咖啡或雪糕。🥚茶碗蒸滑滑嘅蒸蛋內有雞肉及菇菌，暖一暖個胃以作準備。 🍣真鯛首先嚟個風味淡雅嘅真鯛做開首，口感清甜嫩滑。 🍣深海池魚炭網炙過魚皮，使得整體魚味更為濃郁，脂香爆發於口腔中。 🍣鯖魚將三片鯖魚疊在一起，口感與別不同，柔軟嫩滑，魚味濃而不腥。 🍣帆立貝大大粒，以青檸稍為調味，入口更覺爽滑鮮甜。 🍣池魚鮮滑口感，加咗青蔥，味道濃郁又清新。 🍣牡丹蝦口感爽甜綿密，蝦味濃郁。 🍣羽太日本石斑，口感Q彈軟嫩，味道清爽。 🍣鰤魚爽滑口感，脂香豐盈。 🍣赤身吞拿口感清爽，魚味濃郁。 🍣大拖羅入口即溶，肉質細滑柔嫩，脂香回甘。 🍣北海道馬糞海膽配三文魚籽綿密鮮甜海膽配脆卜卜鹹香三文魚籽絕對係無敵嘅配搭，超正。 🥣味噌蝦湯湯頭鮮蝦味極度濃郁，裏面仲有蜆及菇菌。 🍧可選咖啡或雪糕我哋揀咗雪糕，味道好特別係冧酒提子，以此作結尾確實係非常完美嘅一餐。 我哋坐吧檯，師傅會逐件壽司出並講出每件壽司嘅魚名，十足食緊omakase咁，想坐吧檯就記得要預早book定位；服務員亦好好，時常添加綠茶。 📍Hikari 曦銅鑼灣道110-114號永興閣地下1-2號舖
