呢間自撈水產放題餐廳，果然人氣滿滿，中午12點開舖，去到11：45已大排長龍，不過安排入座流程超順暢，午市放題$318，食足4個鐘，可以慢慢hea住食，超舒服。🦀海鮮區確實令人興奮，海鮮缸好乾淨又無 魚腥味，蝦、蟹、蜆、螺、鮑魚一應俱全，蝦、蟹及蜆仲有成3-4款品種，好像置身於水產市場般，隨意撈自己喜愛嘅海鮮，都幾興奮，海鮮真係超新鮮，撈上來嘅蝦仲扎扎跳，口感超鮮甜爽彈，蟹肉鮮甜嫩滑，而且仲有蟹膏添。點擊圖片放大 +2 🍄火鍋配料都好豐富，有多款丸類，連豐富蛋白質嘅田雞腿都有，仲有啲好少見嘅蔬菜，例如紫貝天葵及紫羽衣甘藍都有。 🥟熟食都唔惹少，有台式小酥肉、焗榴槤、蒜蓉粉絲蝦、麻辣小龍蝦、仲有傳統蒸點心等。 🍉生果都有十幾款，有啲係原隻生果，有啲就已切件，涼菜我就最鍾意食魚皮。 🧂火鍋最緊要嘅配料當然係醬汁，呢度都好全面，仲要有我喜愛嘅酸柑仔，唧一兩隻令到個醬汁口味更升華。 🍺飲品櫃就好似成個飾物牆，樣樣都想飲，基本嘅冷泡茶、汽水、果汁、茶啡當然唔少得，酒類亦有多款選擇，有清酒、梅酒、韓國真露，連生啤都有2款，啱哂我哋無酒不歡嘅酒鬼。 🍦結尾嘅甜品都超正，有軟雪糕機自己唧，同時亦有十幾款雪糕雪條及廿幾款甜品。點擊圖片放大 📱QR Code 落單用QR Code揀選湯底，我哋揀咗椰子雞湯，湯底都幾清甜，另外仲有豬肉及牛肉等火鍋配料；熟食方面叫咗乳鴿、牛舌、 蒜蓉蒸生蠔及燉木瓜，真心唔錯。 海鮮缸添加海鮮全無間斷，我哋所揀嘅海鮮員工會代為清洗及斬件，食得方便及安心；收碟效率非常之快，有4個鐘慢慢食，絕對係放題界嘅法國菜。 📍千海水產海鮮火鍋放題太子道西193號MOKO新世紀廣場6樓602號舖
