今次去呢間食府大有來頭，係廚魔梁經倫聯成廣州米芝蓮食府 [新厝] 所創立嘅品牌 [廚魔新厝]，傳統中見創意，主打精緻潮粵菜。行政晚市套餐每位$699🥢生醃菜頭 • 水晶象拔蚌凍 • 陳皮粿肉 • 百香果爆珠球• 生醃菜頭：菜頭爽脆清甜。• 水晶象拔蚌凍：果凍內有一絲絲嘅象拔蚌、味道鮮甜。• 陳皮粿肉：外層腐皮金香酥脆，內裡豬肉爽口並帶有濃郁五香味。• 百香果爆珠球：服務員提醒要一啖入口，因為咬開即爆出清香百香果汁超過癮。 🥢香格里拉松茸鴿蛋瑤柱八頭鮑魚湯燉湯非常足料，飲落鮮甜清香，松茸味道濃郁鮮甜，鮑魚大大隻又厚肉，口感爽滑，鴿蛋生熟度剛好，蛋黃綿密濃香，仲有埋原粒瑤柱添。 🥢潮式獅頭鵝 (鹵水鵝肉、鵝肝、鵝掌)• 鵝肉口感細嫩並富口感，鹵水味濃郁芳香。• 鵝肝粉嫩幼滑甘香，口感綿密。• 鵝掌已去骨食落方便，質地軟滑中不失Q彈。 🥢黑松露脆皮海參黑松露汁超濃郁，與清淡嘅海參非常之夾，炸到熱辣辣，脆皮薄薄一層，包裹住爽滑嘅海參，口感成強烈對比，層次豐富，配上爽脆寶塔花菜及綿腍南瓜。 🥢伊比利亞火腿蒸東黃魚魚味濃郁，油脂豐富，口感鮮香嫩滑，配以鹹香伊比利亞火腿，鮮度更為倍增。 🥢潮式涼瓜腩肉用上潮州品種嘅涼瓜，微微苦多多甘香，口感軟腍，與肥瘦均勻嘅腩肉一齊食，口感平衡，完全無油膩感，連個湯汁都好正，超濃縮，完全係苦瓜嘅精華。 🥢30年老菜脯海參粥粥底味超濃郁，帶有香菇味及菜脯嘅鹹香，飯粒煙靭有口感，加點蔥花及唐芹，濃郁中見清新爽口，並多份口感層次。 🥣燕窩蛋白杏仁茶入口潤透入心，質地絲滑，杏仁味濃郁，嫩滑蛋白更多份層次，再配搭軟滑感十足嘅燕窩，滋陰養顏。 🫖茗茶每位$28點擊圖片放大 +2 📍廚魔新厝雲咸街1號南華大廈地庫
