與長輩朋友團年梗係揀龍苑，喜歡佢嘅傳統，唔花巧見真章，經典高雅嘅大堂，坐得舒服。有3款新春賀年套餐，包括有駿馬迎春宴、風生水起宴及馬到功成宴。我哋揀咗駿馬迎春宴，非常有睇頭，總共有11道菜式，而且款款都好有意頭。🥢風山水起 (三文魚鮑魚絲撈起)新年一定要有意頭，撈起一定唔少得，食材豐富，非常喜慶，有矜貴鮑魚、鮮甜三文魚，再加埋色彩鮮艷嘅子薑、紅蘿蔔絲、青瓜絲、哈蜜瓜絲等，配以甜甜蜜蜜嘅酸甜汁，口感爽脆豐富。 🥢鴻運當頭 (乳豬全體)乳豬皮卜卜脆，肉質細嫩，脂香甘甜而不膩。 🥢花開富貴 (金絲鵝肝炸蟹鉗)香脆甘香嘅炸米粉包住多汁爽彈嘅蟹鉗，口感層次豐富。 🥣吉祥豐收 (杞子螺頭燉海參)湯頭非常鮮甜，有鮮甜又軟腍嘅螺頭、軟糯中帶點爽滑嘅海參、瘦肉及明目杞子，所以飲落特別滋陰養潤。 🥢發財好市 (蠔皇扣南非六頭鮑魚發財好市)食團年飯當然要鋸番個鮑魚喇，鮑魚吸收哂蠔皇濃汁，鹹鮮味濃，口感Q彈軟糯，仲有蠔豉、髮菜同豆苗，呢三寶配搭亦啱哂我哋心意。 🥢年年有餘 (清蒸老虎斑)非常新鮮，肉厚多汁，鮮香肥美，肉質緊緻嫩彈，鮮度滿分。 🥢金銀報喜 (當紅脆皮炸子雞)皮薄爽脆，肉嫩多汁味鮮，帶淡淡嘅脂香，不油不膩，食出脆與嫩嘅層次。 🥢鵬程萬里 (蘭花如意蝦球玉帶子)爽脆蝦球、鮮甜帶子與菇菌炒成嘅小菜，純樸中見鮮度。 🥢盆滿缽滿 (生炒臘味糯米飯)糯米飯炒得粒粒分明，口感Q彈黏糯，內裡有臘腸、瑤柱絲及蝦米，味道鹹香。 🍯招財進寶 (黑糖薑茶湯圓)一般食肆薑茶湯圓嘅薑湯都係非常之淡，而呢度就夠哂薑味，啱哂我哋，芝麻湯圓口感軟糯濃郁，食完暖意入心。🧆美滿輝映 (美點雙輝)以芝麻煎堆仔及紅棗糕作圓滿嘅收尾，非常滿足美滿。 🍺另外仲有3小時無限暢飲指定啤酒、可樂、雪碧及橙汁，或每席免開瓶費2瓶服務貼心到位，坐得舒服。 🖥而家透過e-shop網上預訂仲有9折優惠：https://eshop.holidayinngoldenmile.com/zh/festive-delicacies☎️訂座電話: 2315 1006駿馬迎春宴6位用 折後優惠價為HK$4129.2 (原價HK$4588)12位用 折後價錢為HK$7819.2 (原價HK$8688)另設加一服務費點擊圖片放大 📍龍苑中菜廳地址 : 九龍尖沙嘴彌敦道50號金域假日酒店低層一樓
