餐廳位於19樓，景觀都幾開揚，當晚6點幾去到已經好多人，好在我哋有預早book位。🥢煙三文魚蕃茄莎莎馬沙拉 $68很有印度色彩嘅炸脆球，內有紅黑蟹籽、香草蕃茄及煙三文魚，口感脆卜卜，清新中帶鹹香，薯蓉牛油味濃郁，賣相打卡又可愛。 🥢泰式蟹肉柚子沙律$88鹹香嘅蟹肉與蟹籽撈埋柚子、青瓜絲、洋蔥絲及沙律菜，惹味鹹香中見清新。 🥢蘭王炙燒牛小排凱撒沙律$98牛小排口感軟嫩，加埋香草脆包及凱撒沙律，撈埋橙紅色而又蛋味濃郁嘅蘭王蛋一齊食，口味濃厚豐富。 🥢西班牙蒜油大蝦配酸種麵包$158大蝦爽彈鮮甜，浸於蒜油內，增添鮮香，肉腸口感煙靭鹹香好嚼勁，配上香脆嘅酸種麵包，蘸點蒜油更具風味。 🥢干邑醬漬赤蝦意粉$168用干邑醬漬過嘅赤蝦口感軟嫩綿滑，配以三文魚籽及黑蟹籽，撈埋濃郁醬油香而又富有口感嘅意粉一齊食，鹹香惹味。 🍰特濃開心果巴斯克蛋糕$118朋友生日俾左個小驚喜佢，因呢間餐廳有畫碟服務，並附送即影即有相及相架添(要預早order及另加費用)，除咗打卡，個蛋糕仲好好味，開心果味濃郁，內裡濕潤而外面亦夠焦香。 🍹百香果菠蘿綠茶(後)$48🍹繽紛水果茶(前)$48兩杯都清爽甜香。 發現佢哋嘅午市都好抵，逢星期一至五堂食，每位最低消費一個午市套餐，就有四人同行一人免費嘅優惠，仲可以全單免加一添。 📍Homeland (彌敦道)彌敦道726號19樓
