呢間香港磯燒海鮮嘅元祖店舖，磯燒係由專人代勞，就算躺平都可以有美食入口；而店舖嘅裝修與氣氛亦令人感覺置身於日本居酒屋。🥢蟹味噌甲羅燒$78即席現烤嘅甲羅燒，有蟹肉、蟹子、鵪鶉蛋及蔥花，當然仲有鹹香蟹膏，味道相當濃郁鹹香，可配搭青瓜絲一齊食，口感會相對清新一點。 🥢和牛燒物盛合$238盛合包括有厚切牛舌、A4三角肉及A4肉眼，厚切牛舌爽彈juicy，三角肉油脂豐盈，肉質軟嫩亦有嚼勁，牛味濃郁，肉眼油脂同樣豐富，油脂甘甜，口感細緻。點擊圖片放大 🥢灸燒左口魚煲仔飯$168人氣之選，每檯都會叫嘅煲仔飯，以油脂豐盈嘅左口魚做主菜，待飯熟後，店員會用火鎗炙燒飯面上嘅左口魚，令其豐盈甘甜嘅油脂滲入飯內，使得米飯有魚油嘅香味，並加入海膽、三文魚籽及蔥花。點擊圖片放大 🥢自慢焱丸號$258用不同魚生組合而成嘅焱丸號，包括有海膽、三文魚、蟹籽、沙律白身魚、吞拿魚蓉及蟹柳絲，魚生好新鮮，啖啖滋味，並配上清爽青瓜卷。 🥢燒活鰻$198由店員即席將大件又厚肉嘅活鰻燒熟，再用火鎗炙燒，使得表皮更加香脆，肉質爽彈有口感，魚味濃郁，並充滿油脂嘅甘甜，配以紫菜一同食用，唔使郁手都有得食，啱哂懶人嘅我哋。 🥢鮑魚殼燒$68大大隻活鮑，原來店舖係有個巨型魚缸，日本空運直送海鮮，有鮑魚、龍蝦、鱈場蟹等， 即叫即打撈，仲即場烹調，唔怪得隻鮑魚咁新鮮，口感爽彈又嫩滑。 响咁有氣氛嘅居酒屋食磯燒海鮮當然要啤啤佢先喇😆🍺Suntory黑啤$68醇厚濃郁，帶咖啡嘅味道，泡沫綿密，口感順滑。🍺Suntory白啤$60清爽柔和，帶果香及花香味，泡沫綿密，輕盈順喉。 📍焱丸水產棉登徑23號華楓大廈地下5&6號舖
