Cafe裝修設計以黑白色為主題，樓梯設計成琴鍵pattern，已經好有打卡嘅衝動，上到餐廳內更是打卡處處，簡單嘅黑白色系估唔到創造出咁夢幻嘅視覺圖案及效果。 🥢古早手工煎肉餅蟹肉風沙鹹蛋燴意大利飯$168手工肉餅表面煎得夠香口，內裡juicy肉嫩，蟹肉份量都幾多，配上鹹蛋意大利飯，飯粒Q彈，醬汁內有三色椒、蘆筍、洋蔥及磨菇，味道鹹香並帶黃薑嘅清香味道，特色古早風味，超正。 🥢大澳蝦醬魷魚筒鮮鳳尾蝦炒意粉$158鮮爽魷魚筒及鳳尾蝦沾滿鹹香蝦醬汁更顯風味，而每條意份亦受到濃郁蝦醬嘅加持倍覺好味，完全無違和感之餘仲和諧添。 加$28配是日餐湯/沙律及茶/啡👇沙律菜夠新鮮並配上黑醋汁，開胃清爽，我哋飲熱檸茶，見menu都好多特色飲品，可額外加配。 🥞 綠茶麻薯窩夫跟餐飲$128窩夫口感香脆，可以好容易分成8小件，食得方便，上面嘅麻薯Q彈軟糯配綠茶粉及金寶增添不少風味，並配以甜香日本十勝紅豆、豆香濃郁又滑溜嘅豆腐雪糕以及清爽鮮切菠蘿；呢個甜品仲跟多個餐飲添，叫咗個薄荷茶，好清新，配窩夫一齊食都好夾。 🍰夢森之家$128好似一個小盆栽，好可愛，非常igable，蘑菇腳以白朱古力包住mousse，中心係士多啤梨果醬，蘑菇頭係士多啤梨半球蛋糕，朱古力包裹住滑溜嘅士多啤梨mousse，裡面就係蛋味濃郁嘅海綿蛋糕，質地綿密，整體清新不甜不膩，不止打卡一流，實際也好好味。 🥂Wish Big Prosecco Rose $88大大杯滿滿的，淡雅嘅粉紅色，微酸，飲落清新舒爽。 餐廳坐得舒服，港式情懷系列有驚喜，甜品打卡度高之外仲好好味添，確實值得推介。點擊圖片放大 +5 📍ULURU春園街1-11號春暉大廈1樓
