聽朋友講呢間高級西班牙餐廳晚市套餐本來要成$500位，而家做$358位，兩位就只係$700，真係好抵，套餐包咗西班牙小食、主菜、配菜及甜品，餐牌各項食物都好多選擇，啱哂多心嘅我哋。 ?餐前麵包麵包口感香脆，配上幼滑又勁濃郁蒜香嘅蛋黃牛油醬，食落滋味。 ?前菜• 烤八爪魚 +$68八爪魚帶着香濃炭烤味，質地軟腍中帶Q彈，蘸點幼滑綿密嘅薯蓉，層次口感豐富。 • 吞拿魚他他他他除咗有吞拿魚之外仲有三文魚籽、牛油果及青瓜，鹹香中見清新，並配以脆脆麵包一齊食。 ?主菜• 澳洲M3黑安格斯肉眼扒 (300G) +$168肉眼扒肉質軟嫩juicy，亦帶點口感，肉味濃郁又甘甜，配上酸酸辣辣又醒胃解膩嘅大蒜紅椒醬及顆粒芥末醬，與牛扒係好搭檔，配上烤大蒜，口感綿腍甜香。 • 鐵板海鱸海鱸魚好厚肉，表皮煎到好香脆，肉質嫩滑鮮甜。 ?配菜• 大蒜芫茜焗薯 焗薯口感鬆軟綿腍，相比薯蓉多份口感，配以大蒜芫茜牛油，香味倍增。 • 田園沙律 有沙律菜、橙、蕃茄、青瓜及橄欖，新鮮清爽。 ?甜品• 3吋芝土蛋糕 +$10呢款係餐廳新推出嘅芝士蛋糕，有點火環節好震撼好有儀式感，記得攞定手機打卡，職員會即席在食客面前切蛋糕；芝士味超濃郁，口感軟綿滑溜，配以藍莓醬一齊食更正。 • Crema Catalana焦糖奶凍面頭嘅焦糖脆卜卜，而內裡就滑嘟嘟，並帶著冧酒嘅香味。 • 西班牙油條 外表香脆內裡口感Q彈，配以超濃香嘅朱古力及焦糖醬，果然係西班牙嘅國民美點。 ?飲品嚟到呢間咁出名嘅西班牙餐廳又點會唔飲西班牙傳統水果酒呢。•Red Sangria $80• White Sangria $80無論紅酒定白酒都各有特色，同樣都係富水果味及清爽甜香。 餐廳裝修好浪漫好有情調，總共有三層，不過當日都非常爆滿；餐廳職員非常友善，服務態度很好；當晚有人生日，職員們即席唱生日歌，氣氛好好。 ?The Optimist軒尼詩道239號地舖至2樓
