呢間日本加秘魯嘅fusion菜餐廳，當你推門而入嘅一刻，裝修及氣氛好有神秘感，充滿異世界感覺，都幾有feel。餐廳推出咗全新嘅半自助午餐，包咗無限量供應開胃前菜，同時亦有主菜，都只係$198，响中環嘅高級地段，價格定位都確係超值。自助區?沙律種類多而且好有特色：有柚子椰菜沙律、照燒茄子沙律、蕎麥麵沙律 、車厘茄沙律、南瓜沙律 、西瓜沙律及烤翠玉瓜炸蒜沙律，好鍾意食蕎麥麵沙律，口感Q彈清新。 ?脆脆片及不同款式嘅蘸醬，蘸醬口感creamy，與脆脆片一齊食超正。 ?講到秘魯菜當然唔少得酸橘汁腌魚喇，呢度就有檸汁醃油甘魚、檸汁醃三文魚及檸汁醃素菜芒果，魚肉與蔬果夾埋一齊食，口感清新酸爽，開胃絕味。 ?除咗秘魯開胃菜之外，仲可品嘗到日本料理，就係呢間餐廳嘅一大特色，有鰻魚卷、炸蝦卷及素菜卷，飯粒口感軟糯，最鍾意炸蝦手卷，夠哂香脆。 自助區供應嘅款式豐富，又夠特色，而主菜方面都好多款式可選擇，有魚有肉仲有素食添。?TACU TACU係秘魯傳統嘅菜餚，以米飯及豆類所煮成，米飯帶有獨特嘅香料味，並配以洋蔥及黃紅椒，口感清爽唔膩。 ?CHARRED EGGPLANT茄子質地軟滑綿腍又多汁，面頭塗上甜甜地嘅醬汁並灑上芝麻及蔥花，同時配上辣辣地嘅紅椒杏仁醬，令本身口感與味道單調嘅茄子，層次無限升華。 ?TOKYOLIMA STEAK肉眼燒到微微焦香，質地軟腍中有口感，牛味濃郁，蘸點wacatai butter，令到肉質更細膩，味道更甘甜。 ?Cake of the day$38芝士蛋糕口感細膩綿滑，芝士味濃而不甜，配合檸檬忌廉醬一齊食，增添份清新口感。 ?Pie of the day $38濃濃嘅焦糖甜味，件頭都唔少，可以同朋友開心share。 ?JONETSU $48?JINJA $48兩款飲品都屬於清新系飲品，清甜果香味，飲落唔太甜。點擊圖片放大 +2 ?TOKYOLIMA擺花街18-20號嘉寶商業大廈地舖
