今次去呢間深圳南山假日酒店，於2024年開業🎉，所以非常新淨，响中山地鐵站B出口，距離酒店都只係150米，步行👣2分鐘唔使就到，非常方便👍，最正嘅就係行去南頭古城都只需大概7分鐘，行完古城之後行番酒店都非常方便👏，鄰近仲有南山歡樂頌、南山博物館、中山公園等，吃喝玩樂一應俱全。酒店設施服務有中西餐廳、泳池、健身室、洗衣房等。點擊圖片放大 +2 入住時間為2點鐘後，退房時間為中午12點鐘前，足足有22小時慢慢嘆😝。大堂開揚大氣，有好多地方可供客人休息；幫我哋check in嘅服務員好nice好有笑容，講解得好詳細🥰。點擊圖片放大 我哋當天所住嘅係豪華城景雙床房連早餐。 房間有36平方米，裝修簡潔乾淨，有2張1.25米床及每張床有軟硬枕各一個，瞓得非常舒服😃；房內有齊所需amenities及茶啡包set，同時亦有保險箱、雪櫃、及電水煲；另外，有張靚靚貴妃椅置於落地大玻璃旁，可以舒舒服服同朋友一同嘆茶或食宵夜，又可欣賞市內城景，超級寫意😆。點擊圖片放大 +6 早餐於酒店3樓嗨碗食自助早餐，餐廳都幾大地方，坐得舒服；食物款式都幾多，包括有中式及西式包點、沙律、生果、涼菜、熱葷、現廚粉麵、煎蛋奄列及茶啡，質素都唔錯😋。點擊圖片放大 +7 因為退房時間於12點前，所以食完早餐時間尚早，大把時間hea😙，非常舒服，不過我朋友就非常勤力，去咗gym room做運動🏋，佢話啲機幾新，感覺唔錯😃。整體入住感覺良好，交通方便，步行至南頭古城都只需7分鐘，非常推介👍。 📍酒店地址：深圳市南山区南山大道3186号南头城莲花广场A栋☎️酒店电话：0755-85598888
