食串燒一定諗起燒烤堂，身為粉絲嘅我哋當然知道旺角新分店由7月起已經搬咗去家樂坊，店舖更開揚，坐得更舒服。🥢欖角粉絲蒜蓉燒蟶子$52蟶子燒到熱辣辣，但又唔會過哂火，口感鮮嫩，湯汁帶甜甜鹹鹹欖角香以及濃郁金銀蒜嘅味道，粉絲沾滿湯汁，食落惹味非常，鮮味之選😋。 🥢紫蘇雞皮蝦$48外面脆脆嘅雞皮包住新鮮彈牙嘅蝦已經好正，再加埋獨特香味嘅紫蘇葉，簡直係畫龍點睛，令到整體更豐富更突出，驚喜之選🤩。 🥢鹽燒原塊雞皮$22薄薄一片雞皮，好似薯片一樣脆卜卜，超香脆，no.1 之選👍。 🥢鹽燒鮮三黃雞腿肉$28雞皮燒到好香脆，肉質嫩滑juicy。🥢椒鹽鮮雞腳根$18非常有嚼勁，啱哂喜歡咬嘢嘅我哋。 🥢麻辣墨魚鬚$22麻辣味超濃，啱哂我哋，配合Q彈墨魚鬚，夠過癮。 🥢鹽燒白鱔$48鱔皮燒到超香脆，肉質juicy又Q彈，魚味濃郁。 🥢厚切鹽燒牛舌拖羅$48牛舌拖羅有咬口感之餘又超juicy，牛舌迷必叫之選。 🥢蜜糖菠蘿$18燒到外面微微焦香，令到菠蘿更加濃甜，但仍能鎖住海量嘅果汁。 🥢鹽燒日本青椒仔$20青椒仔面灑滿鰹節絲，使得清甜嘅青椒仔多份鹹鮮風味。🥢鹽燒銀杏$24口感QQ嘅銀杏，簡單灑少少鹽已經好好味。 🍻Sapporo生啤$48買一送一咁抵，當然要啤啤佢喇。 串燒由12蚊起，豐儉由人，仲有好多驚喜創意搞鬼之作，每次都食得好滿足。點擊圖片放大 +5 📍燒烤堂登打士街56號家樂坊8樓802號舖
