銅鑼灣行街一啲都唔怕肚餓，實在有好多高質餐廳存在，今次去呢間餐廳嘅空內設計仲好特別添，嵌入式書架上放置數百本古典書籍做裝飾，整間餐廳氛圍充滿文藝氣息，同時亦有落地大窗戶，能飽覽靚靚維港景。 我哋叫咗4-Course Menu $468，包前菜、餐湯、主菜及甜品。🥖SOURDOUGH 酸種包熱辣辣，外面香脆，裏面軟綿，口感好好。 APPETISER🥢Pacific Ocean Swordfish劍魚肉質甜香滑溜，配上酸香有致嘅橘子醬汁並帶有薄荷香，口感清新，呢個頭盤啱哂夏天。 🥢Snow Crab Tian & Japanese Sea Urchin魚籽牛油果蟹肉他他呢個組合絕對無得輸，鮮甜清新，鹹香滑溜；海膽慕斯絲滑鹹香。 SOUP 🥄Hummus & Artichoke Bisque 濃湯並不是creamy滑滑口感，而是帶有鷹嘴豆蓉嘅綿綿質感，同時有洋薊嘅清爽、蕃茄乾及黑蒜嘅酸甜香，口味獨特，濃郁又帶原始嘅風味。 🥄Lobster Bisque +$58揭開酥皮一刻超濃郁龍蝦湯嘅香氣撲鼻而來，裏面仲有好多蝦肉，飲落醇厚甘香，仲可以自己加忌廉，調教喜愛嘅口味。 MAIN COURSE🍽Charcoal Grilled Australian Grain-Fed Pork Rack 豬鞍好有炭烤味，脂肪分佈平均，質地鬆軟，配合蘋果醬汁一齊食，鹹中帶果香，口感平衡之餘又減低油膩感。 🍽Red Wood Charcoal Grilled 21-Day Dry-Aged Irish John Stone BeefStriploin Steak300g +$158同樣都係濃濃嘅炭烤味，愛爾蘭西冷扒厚身又juicy，點少少黑松露醬或竹炭鹽已經好好味。 DESSERT 🍰Lemon Cheese Mix Berry with Tofu口感清新輕爽，又唔會好甜。 🍰Coconut Mousse Mango Compote慕斯帶有清香椰子味道，質地滑溜溜，配合芒果粒一齊食更顯甜密口味。點擊圖片放大 +3 📍Bochord告士打道280號世貿中心11樓1101號舖
