今次去呢間餐廳午市只需$398就可以嘆到10品日式鐵板燒Omakase，位於23樓居高臨下，可欣賞到藍天白雲之餘，天后嘅靚靚維港景亦盡收眼底，黃昏場次仲可欣賞到日落，邊欣賞靚景邊嘆美食，爽。🥢先付黑白松露茶碗蒸松露味道超濃郁又帶鹹香，與滑溜蛋香濃郁嘅蒸蛋非常之夾。 🥢前菜田樂豆腐外型像一個撻， 餡料有豆腐蓉、蟹肉、西京魚子醬等材料，口感軟腍綿滑。 🥢海鮮盛合包咗4款海鮮，逐款慢慢上，慢慢嘆。1. 北海道帶子帶子外面煎得焦香，內裡糖心，與鮮甜三文魚子醬油漬、鮮百合及獨特清香紫蘇花相互組合起來，鮮甜中特顯清新。 2. 台灣小卷 小卷鮮味鹹香又濃郁，口感滑中帶爽彈，天婦羅魚皮亦好香脆。 3.虎蝦虎蝦勁爽彈，蝦味又夠濃，與清爽嘅檸檬牛油醬油好夾。 4. 格陵蘭比目魚煎到魚皮脆卜卜，肉質又夠嫩腍，味鮮甜，簡單調味已經好好味。 🥢肉料理可揀牛或雞，我哋梗係叫每樣各一，可以share一齊食😆。• 牛扒肉質非常軟腍，而且好有肉汁，牛味濃郁。 • 宮崎雞肉雞皮香脆，肉質嫩滑，可蘸點黑椒、芥末籽醬、青芥辣又或與炸蒜粒、塩昆布一同食用，都能帶出美味及多點風味。 🥢主食鐵板炒飯嘅飯粒炒得粒粒分明，清爽唔油膩。 🥣湯品豆腐味噌湯 🍧甜品以芒果巴菲來個完美嘅結局，滿足又幸福💕。 發現隔離枱有個靚靚嘅主廚私房甜品，原來當月生日就有呢個禮遇。本來打算週未去食，不過比較full，所以決定平日去，易book位之餘仲有週一至週五嘅限定午市套餐添。💻https://inline.app/booking/minsuizenrakuhongkong/tinhau 📍明水然．樂 Omakase日式鐵板燒創意料理電氣道54號亨環·天后23樓
