作為文青嘅我哋隔唔中都要吸收下文化氣息😆，去西九文化區嘅M+博物館當然係不二之選，行下睇下又玩咗半日，响M+見到有間好有氣派並帶着中國風嘅餐廳，二話不說就入去試下。餐廳地方非常大，開揚闊落，有落地大玻璃，而且仲有室外露天空間，感覺非常chill。🥢松茸菊花豆腐羮$198非常佩服廚師嘅刀工，精湛細膩，完全係藝術作品，除咗靚之外豆腐仲好有豆味，與高湯一同入口，鮮味與藝術嘅結合。 🥢蜜餞黑豚肉叉燒$268用上炭爐，整個晚飯期間都有熱辣辣嘅叉燒食，叉燒厚切有口感，燶邊夠香口而且味甜香，配上紫蘇葉一齊食，多份清新獨特嘅風味。 🥢胡椒魚湯浸石蠔 $268蠔肉大大隻脹卜卜，鮮甜creamy又嫩滑，菠菜又夠鮮嫩，並且吸收哂濃郁又鮮甜嘅魚湯，鮮味之選。 🥢化皮金陵乳豬$208乳豬皮夠哂鬆化香脆，配上甜香蜜桃及饅頭片，口感層次與味道都好豐富。 🥢龍蝦肉泡勝瓜 $228龍蝦肉份量確係唔惹少，軟軟腍腍嘅勝瓜浸泡响湯汁中，更覺清甜。 🥢鮮茴香白玉涼瓜$78 切到薄薄嘅涼瓜口感爽脆，帶着甜香嘅桂花味及清爽梅子香，非常消暑清熱。 🥢炭火明爐燒鵝$238肉質軟腍鵝味濃郁，鵝皮亦充滿脂香，最緊要蘸點梅子醬增添風味。 🥣紅豆沙$68有別於一般紅豆沙嘅口感，比較creamy幼滑，陳皮味濃郁。 🫖茶位每位$38🧈前菜嘅小食都好好味，有松露繡球菌、脆腰果及XO醬。點擊圖片放大 +2 📍璞西九文化區博物館道38號M+ B1樓
