閒遊荃灣不經不覺又到晚飯時間，唔知食咩好，問下荃灣地膽朋友有咩好介紹，佢知我哋鍾意食龍蝦及鮑魚，就介紹咗呢間餐廳俾我哋。澳洲龍蝦鮑魚餐$488 🥢冰鎮南非鮮鮑魚配凱撒雜菜沙律鮑魚大大隻又厚身，軟淋 唔黐牙，而且鮑魚仲帶着香濃酒味啱哂我哋，沙律菜好新鮮，好清新又矜貴嘅前菜。 🥢乳酪卷配百花蟹鉗乳酪卷外鬆脆內裡綿密腍滑，有點像綿花糖，但又唔會好甜；百花蟹鉗爽口又Q彈， 鮮味十足。 🥢原盅花膠海螺頭燉雞湯頭鮮甜濃香，花膠軟滑，海螺腍甜，另外仲有雞腳、雞肉等，料頭十足，啖啖滋潤入心。 🥢上湯開邊澳洲龍蝦配香草稻庭烏冬冇諗過呢個價錢有咁大隻 澳洲龍蝦，size超大，連蝦頭都好多肉，肉質爽彈鮮甜，仲有好多甘甜龍蝦糕添，配合Q彈烏冬，烏冬索哂啲龍蝦汁同時又有啲香草味，惹味又滋味。 🥢野菌鮮斑球泡菜苗有兩大塊彈牙又新鮮嘅班球、雜菌、雲耳及清甜菜心，份量都唔惹少。 🥢椰皇鮮奶燉雪膠滑溜溜嘅口感，有椰皇嘅甜香亦帶奶香濃郁，再配合矜貴嘅嘅雪膠，口感豐富之外，仲好滋陰養顏。 🍹鮮青檸泰梳打(右)🍹鮮桔檸蜜梳打(左)兩杯都一樣清爽唔甜，啱哂而家悶熱嘅天氣，解暑一流。 🫖蕎麥茶清爽微甘，米味芳香。 呢個套餐係免加一服務費及茶芥，包埋紅酒、白酒或果汁一杯添，推廣期內一天前預訂仲享有九折優惠，都真係幾抵食。 📍正和軒 - 同仁四季青山公路 - 荃灣段388號中染大廈中染新城1樓106號舖
