今次同朋友去呢間燒肉店好架勢，原來係台北十大燒肉名店之一，裝修簡潔得體，檯與檯之間嘅距離感十足，坐得好舒服。☕️Welcome Drink用上香港品牌‘’閣樓釀造‘’嘅檸檬芭樂氣泡茶，飲落有清香芭樂味，而且氣泡感充足。 🧂店舖調料係用上自家製辣椒粉、明太子醬及黑松露醬，唔夠嘅話仲可以响吧檯自取添。 日本A5和牛套餐 每位$845🥢極生牛肉但佐帕瑪森起司鹹鮮黑魚籽加上嫩滑生牛肉，再灑上鹹香又夠濃郁嘅芝士，並配合軟綿綿嘅吐司一齊，夾到無朋友。 🥢美國牛舌厚切店員燒得好粉嫩，軟腍中帶爽口，油脂甘香，配醬油、蔥及青檸一齊食，唔膩之餘更顯清爽。 🥢日本A5和牛刺身A5和牛刺身口感滑溜溜，口腔中脂香四溢鮮甜回甘，再加點Wasabi及醬油，鮮味倍增。 🥢日本A5和牛牛小排超靚嘅油花，油香豐盈，肉質細嫩，配合酸中帶鹹嘅鹽味昆布及腍甜油蒜，更具風味。 🥢法式奶油生蠔蠔身大大隻漲卜卜，沐浴响奶油白味噌胡椒醬汁內，令到生蠔更覺creamy鮮甜，個醬汁仲帶有鮮甜蠔味。 🥢日本A5和牛月見金磚好似大理石紋一樣咁靚嘅和牛金磚，牛味濃郁，鮮甜嫩腍，與白飯一齊食，再混合埋蛋黃，無有得輸。 🥢日本A5和牛海膽卷A5和牛刺身又軟又綿，與奶油般順滑又鮮甜嘅海膽，交織出難以形容嘅滋味。 🥢日本A5和牛夏多布里昂 菲力芯睇見都令人流哂口水，油花紋理細膩，店員好有heart，燒到咁上下，會rest一rest， 然後再稍為燒多下，使得外焦香內粉嫩爆汁，入口油脂甘甜順滑，口感軟嫩無比。 🥢醬漬封門柳 牛空腹橫隔肌醬漬咗嘅美國封門柳，質地軟腍牛味濃，帶住甜甜地嘅醬漬香味。 🥢本日蔬菜 原個錫盤燒，蔬菜吸收哂醬汁，甜香惹味，而以網燒嘅山藥就非常粉腍，配明太子醬好夾。 🥢白飯 月光米 配和牛月見金磚及蔬菜，可再加點奶油白味噌胡椒蠔汁，自家製靚靚丼飯，無得輸。 🥢真理丼和牛他他、海膽、黑松露、黑魚籽及雞蛋，撈混一齊食，口感濃郁滑溜，滋味爆燈。 🥢醃漬泡菜唔會死鹹，比較清爽。🥢柚子蘿蔔酸酸地可減低油膩感，餸飯一流。 🥃純米吟釀梅酒以純米吟釀做基底，飲落清爽唔甜又香梅味，凍飲唔加冰原汁原味好醇香。 🍧甜品及🍵香茶餐後來一杯熱辣辣嘅金萱烏龍茶，再食埋酸酸香香嘅菠蘿gelato及甜香熱情果gelato，冰火感覺，令人興奮。 店員態度非常親切有禮，全程好細心咁為我哋燒烤食物，燒出嚟嘅粉嫩程度剛剛好。慢慢食慢慢嘆，食下燒肉飲下酒，食物高質，服務細心，又坐得舒服，整餐飯嘅體驗令人好有幸福感。點擊圖片放大 📍路易奇電力公司駱克道33號萬通保險大廈地下B號舖
