之前食過呢間餐廳，鍾意佢用料夠新鮮夠靚，好味之餘亦帶出食物嘅原味道，今次上到去發現原來已經改咗名叫做The Prime House，感覺更有扒房嘅氣勢👍。 餐廳環境好有扒房feel，裝修型格中不失浪漫，仲播住經典懷舊金曲，令人好舒服好relax🥰。 Dinner set $388包咗餐湯、餐包、沙律、主菜及餐飲。🥣甜蕃薯湯蕃薯味超濃郁香甜，綿滑中亦帶點質感，食出原味道👍。 🥐餐包餐包係自家製，非常鬆軟，濃郁牛油芳香中滲出啖啖百里香蒜蓉嘅清香，外表平凡但食落出眾😋。 🥗凱撒沙律有我哋喜愛嘅糖心蛋，仲有煙肉脆粒、麵包粒及沙律菜，並配上酸爽嘅沙律汁，好開胃。 🥩美國平鐵牛扒 230g生熟度剛剛好，表面有微微焦香，內裡juicy，質地略帶嚼勁，肉味濃郁😋，醬汁我哋揀咗阿根廷青醬，味道清新鮮香，不過塊扒咁靚唔使蘸醬汁都已經好好味，另外仲跟咗粗身薯條，薯味濃又香脆。 🐠挪威三文魚腩配奶油大蒜醬三文魚超大件又厚肉🤩，份量差不多有其他餐廳嘅double👍，魚皮煎得夠香脆，魚味鮮甜，滑溜薯蓉配上勁香蒜蓉味嘅醬汁，啱哂我哋口味。 ☕️熱檸茶🫖茉莉花茶食完飯同朋友慢慢傾計嘆茶，仲要係成壺上，令成件事感覺好chill好舒服。 餐廳環境好有扒房feel，成個氛圍令人坐得好舒服，老闆好nice服務又好，食物質素高，好味之餘亦能帶出食材嘅原味道。點擊圖片放大 📍The Prime House(舊名 La Moo Moo' s Steak and Fries)軒尼詩道239號18樓
