呢間隱藏响商業大廈嘅餐廳，絕對係高質隱世嘅泰國菜，餐廳嘅裝修簡簡單單，但牆身充滿海洋氣息。🥢鹽燒鰂魚$188燒得好靚，揭開咸香脆口嘅魚皮之後，被包裹住嘅係肉質嫩滑又juicy嘅魚肉，裏面仲塞滿南薑、香茅及香葉，超級鮮香，推介之選。 🥢泰式青木瓜沙律$88青木瓜及豆角爽脆，食落辣中帶清新，仲有埋粒粒脆腰果點綴添。 🥢炸魚餅(6件)$78口感Q彈，除咗魚肉鮮味之外仲帶有濃郁嘅香料味道，餸酒一流。 🥢 飛天椰菜苗$98炒得好香，椰菜苗爽脆，豆醬味夠濃夠鹹香，食菜都可以好惹味。 🥢泰式燒魷魚$148外面雖然燒得好乾身好香口，但質地仍然好軟嫩，味夠鮮，再蘸點酸甜香辣嘅醒胃醬汁，正。 🥢泰式海南雞(半隻)$148雞脾當然係超滑溜，但估唔到連雞胸都好軟嫩，蘸上秘製醬料，加更好味。 🍚白飯$15咁多好味嘅餸當然要食碗白飯喇。🧉椰青$52 椰青好新鮮超多水又清甜，食泰國菜必點嘅飲品。 🍺Shigha啤$42 🍺Chang啤$42食咁多燒物又點可以缺少啤酒呀，Shigha啤麥芽味濃郁，偏少少苦，比較有層次；而Chang啤味道清淡爽口，比較易入口。點擊圖片放大 📍Milu Thai มิลู่ไทย亞士厘道24-38號天星大廈4樓
