朋友食過呢間日式火鍋放題，對啲和牛讚不絕口，話呢個價錢自己買都唔得，牛魔王嘅我哋當然要嚟試下喇😆。一出𨋢已經聽到好有沖繩風嘅歌曲，店舖都幾大，有卡檯、可放腳嘅榻榻米、吧檯，甚至乎連包房都有，兩小口子以至一大班朋友嚟都好適合👍。120分鐘日式火鍋放題，我哋揀咗最貴個隻《松 火鍋放題》。 鍋底方面係豬骨及醬油湯底。任食部份有京都姬牛， 睇落就知好味，油花分佈平均，入口即溶不再話下，牛味又夠濃郁，仲帶有獨特嘅甘甜味道，唔怪得係頂級日本和牛品種之一喇😋， 唔止香港人鍾意，聽講甚至乎日本人以及京都人都非常追捧😆。 宮崎牛同樣係肉味濃郁，口感細膩，亦都係入口即溶。 日本產豚及雞豚肉爽口彈牙，肉味濃郁，連肥肉口感都好爽脆又甘甜；雞肉味濃，肉質都幾爽嫩。 松葉蟹 新鮮又鮮甜，每隻蟹腳肉都飽滿實泵泵，可以凍食又可以稍為灼一灼，同樣好味。 另外仲有野菜拼盤、日本米粥及烏冬可以自由添食😃。 同時亦有每人一份嘅三點刺身拼盤，包括有三文魚、帶子及赤海蝦，全部都幾鮮甜。 最尾就係雪糕，有抹茶及柚子雪糕，柚子雪糕裏面仲有粒粒柚子，清新唔甜又解膩。 另外叫咗啲串燒小食👇雞肉大葉串燒伴梅子醬(2串)雞皮香脆，肉質軟嫩，加埋紫蘇嘅清香及酸爽梅子醬，更見惹味。 螢光魷魚漬鹹香軟腍中帶脆口，餸酒一流🍻。 另外惠顧任何放題仲可以以優惠價$48無限暢飲指定罐裝飲品，包括有Sapporo、Asahi、Godo whisky highball等…，啱哂我哋😆，仲有10點後嘅半價深宵割引酒精飲品及菜式添，啱哂夜鬼呀😜。 每晚十點後有7折晚上十點前，星期日至四有75折，星期五及六就有9折，其實折咗之後都幾抵，啲和牛咁正，真係好易回本🤑。點擊圖片放大 +4 📍宴 尖沙咀金馬倫道38-40號金龍中心1樓
