揭開暖簾一刻，由地面走進地牢，好像時空穿梭一樣，進入了日本昭和年代嘅居酒屋般，餐廳充滿70、80年代嘅海報及公仔，充滿復古玩味嘅風格，吧頭仲擺放咗當日時令嘅食材，响爐端燒上為客人即點即燒。🥢澳洲龍蝦尾天婦羅配檸檬鹽$198炸得熱辣辣，外皮夠香脆，內裡龍蝦肉鮮甜爽口，蘸少少檸檬鹽更吊出鮮味。 🥢燒牛舌$88牛舌爽彈juicy，再蘸埋酸香惹味嘅芥辣籽蒜蓉醬，更顯風味。 🥢沖繩苦瓜沙律配山葵和風汁$68爽脆苦瓜絲配合新鮮沙律菜及脆卜卜煙肉，清新中帶點甘苦鹹香，啱哂喜歡食苦瓜嘅我哋。 🥢鹽燒大啡菇$38超juicy濃香磨菇味，蘸點薑蓉及醋汁更吊出鮮味。 🥢小青椒$38青椒juicy鮮甜，面頭仲灑上鰹魚絲，夠哂香口。🥢沙丁魚脆片$52一件脆片用上無數咁多條沙丁魚所製成，脆卜卜鹹鹹香香，補鈣質一流。 🥢炸甜蝦$68超香脆連殼都食埋，鮮甜好味又抵食。 🥢汁燒牛腹身$188肉嫩中帶質感，醬汁帶甜香，配合蔥絲及芥辣一齊食，豐富口感。 🥢辣味墨魚咀$45多汁Q彈好嚼勁。🥢鹽燒鰻魚串$59皮脆肉嫩，鮮甜肥美。 🍧菠蘿雪葩$78原個菠蘿仔，造型可愛，清爽菠蘿香，解膩一流。 🍺Suntory生啤$78嚟居酒屋無理由唔飲生啤囉，超爽。點擊圖片放大 +8 📍玩具屋銀幕街16號地舖
