餐廳以開放式廚房設計，感覺夠哂開揚闊落，地方大卡檯多，兩口子以至一大班朋友歡聚都完全冇問題👍。🥢金魚戲水(湯餃)(2件)$49超可愛嘅荷塘造型，除咗打卡度高之外都幾好食，餃皮Q彈，餡料嘅蝦膠都幾鮮甜。 🥢黑蒜帶子燒賣(3件)$39好有創意嘅燒賣，黑蒜嘅腍甜配上鮮甜帶子及燒賣肉，整體好夾。 🥢鳳眼蝦餃(3件)$39煙靭餃皮內包裹着滿滿鮮甜蝦膠，再配上原隻爽彈鮮蝦，滿口鮮香。 🥢油柑燉鮑魚$69🥢油柑燉角螺$69湯頭鮮甜清香，角螺爽脆，鮑魚軟腍，飲完生津又滋陰。 🥢滷水鵝片$89滷水味濃郁，鵝片質地軟腍，肉味又夠濃。 🥢蔥香角螺$149角螺質地爽脆，萵筍絲清爽並充滿雞油香，配搭簡單但充滿滋味。 🥢秋瓜烙$89鮮甜清新，酥香軟糯，口感豐富，餸啤酒一流。 🥢豆漿蟹肉蕃薯葉苗$89面頭啲蟹肉份量超多，而且仲係一梳梳，浸住豆漿嘅蕃薯苗煮到好腍滑。 🥢福果姜薯$39糖水清甜幼滑，姜薯軟糯綿密，配埋Q彈福果，整體唔會好甜，超正。 🍹黄皮泡沫冰美式$36有個壺仔响蓋面，打卡一流，咖啡味香濃並帶着酸爽黃皮嘅清香，兩者夾埋意想不到嘅好飲。宇宙之石$39香港製造嘅手工啤，焦糖色，麥芽味濃郁，帶焦糖嘅氣息及煙燻香氣，好有個性嘅手工啤。 單叢茶餐廳供應嘅茶叫單叢茶，帶淡淡嘅清香，如果點選茶飲，就可以免埋茶錢添😝。點心精緻，傳統潮菜中亦不乏新派創意，仲有多款特色茶飲，而家新張優惠 4月17至4月27日，全店點心仲半價添🤑，超抵食🤩。點擊圖片放大 +9 📍自己人楊屋道1號荃新天地UG樓UG43&81號舖
