海鮮套餐紙以5個階去表達，逐步點選心水食品😋。🫕1階鍋底可以選擇單鍋或者鴛鴦鍋，我哋就鍾意簡單啲要粥底單鍋。🦞2階先在4款主海鮮套餐中選擇，我哋就揀咗最豪華嗰款，包括有肉蟹+龍蝦+沙白每位都只係$278，呢個價錢已經係埋單價🤑，因為呢間餐廳係不收加一及調料費🤩，非常公道；龍蝦好新鮮，而且都幾大隻，仲好多膏添，蟹雖然細細隻但係都好多肉😋。 另外再加自選4款時令海鮮，我哋揀咗鮑魚、大尾魷、多寶魚及蟶子，鮑魚軟滑，多寶魚肉質鮮甜嫩滑，魷魚軟滑，蟶子鮮爽甜😋。 海鮮整體全部都好新鮮，而且全部口感都好好，因為多得店家有張貓紙及計時器，跟足時間嚟灼，口感自然好味👍。 🌽3階有三種蔬菜可供粥底之用，包括有南瓜、芋頭及粟米。 🥢4階每位可選擇4款配料，有成50幾款配菜可供選擇，當中當然包括了雞、牛、豬、丸類、餃子、麵食、蔬菜等配料，我哋2人就有8款，揀咗鴨血、花膠仔、竹笙、萵筍、手打馬蹄雞滑、手打蝦滑、姬松茸、美國牛小排，超鍾意花膠仔，口感軟滑Q彈滿有骨膠原，馬蹄雞滑帶粒粒馬蹄，口感爽脆中帶軟腍，牛小排嫩腍亦滿有牛味😋。 🥣最終階最後送上芫茜、冬菜、菜脯粒、大頭菜及自家製豬油渣，當然仲有一大碗粥喇，職員會幫忙為我哋煲粥，最後就好輕鬆咁食到碗集精華於一身嘅海鮮粥喇，真係好鮮甜呀🤩。 藍妹 $33食火鍋熱辣辣，當然要飲番杯啤酒清下熱氣喇😝。 餐廳全部卡檯，坐得舒服，除咗洗手間之外，近大門都仲有一個洗手位方便食客👍。另外，仲有特派剪龍蝦、蟹及煲粥嘅使者，啱哂鍾意食蟹及龍蝦又怕剝殼嘅朋友，佢地服務一流又熱情💯，令到食客增添不少歡樂氣氛🎉，唔知係咪咁嘅原因，見到好多食客响度做生日🎂，所以整個場都好熱鬧，全場爆滿，想食真係記得要book定位喇😃。點擊圖片放大 +4 📍鍋心粥底火鍋 (德成街)德成街1-5號康源閣地下A-B號舖
