餐廳位於38/F，搭升降機嘅時候已經見到好靚嘅維港景，出lift之後嘅環境更加不得之了，首先見到個好大好華麗嘅酒吧，餐廳環境開揚闊落，用上落地大玻璃，維港全景盡收眼底一覽無遺，配合簡約又雅緻裝修及線條分明嘅壁畫，less is more就是這樣吧🥰。 $298 lunch set包咗餐湯或前菜、主菜、甜品及餐飲。 🥗前菜FRESH CATCH CRUDO酸酸鹹鹹嘅XO醬配合清新爽滑嘅白身魚，味道平衡，開胃之選👍。 🍝主菜• PRAWN FETTUCCINE濃郁鮮香嘅蕃茄醬汁裏面有啲炸蔥酥粒粒，有點泰菜feel，而每隻爽彈鮮蝦以及寬條麵都沾滿惹味嘅醬汁，啖啖滋味。 • PAN-SEARED SNAPPER魚柳嘅外皮煎得夠哂香脆，肉質鮮嫩亦不失口感，配菜有爽滑小茴香，清甜甘筍，仲有個脆卜卜嘅炸蔬菜添，配上味道獨特嘅檸檬薑黃汁，酸爽清新，使得整道菜嘅味道層次立體起來。 🍰甜品• TRIPLE CHOCOLATE MOUSSE質地幼滑，朱古力味濃郁，但又唔會好甜。 • DAILY HOMEMADE GELATO每天現整嘅Gelato，而當天就係Yogurt 口味，非常滑溜香甜，健康甜品之選。 ☕️餐茶• Cappuccino咖啡濃香又滑溜。 • 烏龍茶用上TWG嘅手工純綿茶包，入口香醇。 响38/F望住維港景嘆個靚lunch，加埋侍應非常有禮又友善，可以慢慢享受一整個下午，確實令人好放鬆。 📍Avoca赫德道8A號Mondrian Hong Kong38樓
