餐廳位於ICC 101樓，裝修典雅，開揚闊落，落地大玻璃可以飽覽維港全海景，而家午市點心仲有半價優惠做到2月尾，真係好抵食，食住點心嘆住靚茶邊欣賞靚景，超爽。 🥢筍尖蝦餃$30/件餃皮煙韌Q彈，內裡蝦肉爽彈多汁，亦有好多爽脆筍粒並帶有麻油香。 🥢翡翠帶子餃$24/件造型靚仔，餃皮軟滑，裏面有爽嫩豆苗及鮮嫩帶子。 🥢鮮蝦蟹籽燒賣$30/件豬肉夠哂爽彈，鮮蝦又夠爽口，仲有濃香冬菇嘅加持，好味。 🥢松露羊肚菌餃$24/件放上檯面已經聞到好濃郁嘅羊肚菌香，餃皮軟滑，濃郁惹味之選。 🥢鱈魚窩夫卷$28/件炸得夠哂香脆，但又不油不膩，內裏有鮮蝦及滑溜鱈魚，脆中有鮮，鮮中又夠香口。 🥢櫻花千絲酥$24/件酥皮夠哂酥脆鬆化，內裡蘿蔔絲切得夠哂幼細，而且夠哂juicy，並含有大量櫻花蝦及蝦米，所以味道夠哂鹹香。 🥢蜂巢芋角$22/件外皮炸得夠哂酥脆，又唔油膩，飛絲做得好靚，芋頭質地綿滑夠香，內裡juicy餡料包括有豬肉、鮮蝦及冬菇等。 🥢香煎大頭菜鯪魚餅$24/件鯪魚肉夠鮮香，混合咗爽脆大頭菜及香蔥，齋食已經好惹味，再沾上鹹中帶鮮嘅蜆蚧醬，味道更加突出。 🥢鮮蝦肉帶腸粉$82/碟細節位做得好好，腸粉豉油係熱上，腸粉皮軟糯Q彈，帶子及蝦都非常鮮甜，腸粉面仲有一粒粒珠珠，原來係分子料理“麻油珠珠”，真係好特別。 餐廳可以飽覽到全維港景，又有點心半價優惠，而且點心仲可以每件計算夠哂彈性，整體性價比高。點擊圖片放大 +4 📍閩粵軒柯士甸道西1號環球貿易廣場101樓C號舖
