今次終於有機會嚟呢間bookmark📗咗好耐嘅餐廳試下，仲可以好chill咁慢慢嘆足3個鐘清酒嘅放題添，啱哂我哋呢啲酒鬼🤩。沿住電梯上去已經見到‘’昼月‘’嘅大月光🌕，好有儀式感，餐廳用上木系裝修同時亦掛上日式暖簾，地方開揚闊落，坐得舒服🥰。🍶清酒放題$88有3小時可慢慢暢飲，最啱同閨蜜摯友傾計吹水，仲有成廿幾款清酒任飲，有甘口有辛口，可以試到不同口味，啱哂我哋呀。 🥢唐揚白蝦 $88炸到脆卜卜好香口，蝦仔鮮甜，最緊要係佐酒一流呀。 🥢燒雞心$48質地爽彈，簡單鹽味已經好好味。 🥢燒雞皮$38被燒過嘅雞皮口感香脆中帶Q彈，食落亦唔覺油膩。 🥢西京銀鱈魚$168味道甘甜，肉質軟嫩幼滑，並帶啖啖脂香，佐酒一流。 🥢壽司盛合10貫$308有牡丹蝦、赤身、中拖、海膽魷魚、海膽、劍魚腩、帆立貝及3款白身魚，用上赤醋飯，我哋最鍾意就係牡丹蝦，超鮮甜爽彈，而且蝦頭膏仲非常甘香添。 🥢池魚刺身$98每日優惠嘅池魚，只係$98真係好多片，質地爽滑，只需沾少少酸醋汁就可以特出到鮮味。 🥢燒北海道帆立貝$128帆立貝彈牙鮮甜，並帶濃香牛油味，最緊要飲埋貝殼上嘅鮮甜湯汁。 而家1月清酒放題仲有得送新品牌富士金襴whiskey一杯添🤩，另外加$68就有得任飲喇。點擊圖片放大 📍昼月謝斐道535號Tower 535 3樓301號舖
