朋友勁推呢間燒肉店俾我哋，話超抵食，晚上9：30入座及lunch時段有59折，驚安價喎🤑，梗係要去試下啦🏃。環境闊落，冇油煙味，坐得舒服，附上嘅調料有泰式辣醬加青檸、醬油及蒜蓉。🥢原條牛舌(半條)$115雖然我哋叫咗半條，但係都覺得好大條，職員話會幫我哋燒，不過我哋覺得自己燒更過癮，雖然自己燒到過熟而且濃濃地😜，但口感都仍然好嫩👍，完全唔覺得韌口，仲可以加埋附上嘅鹽味昆布、檸角及鹽味青椒碎，可以轉換口味之餘又可以減低油膩感👍。 🥢日本青椒仔(6條)$26呢款青椒仔口感清爽並帶着特別嘅香味😝。 🥢柚子漬雞肉山(全份)$48真係好似成座山嘅雞肉量😂，切得比較大件，所以要燒耐啲，不過燒耐咗都唔覺柴，口感幾彈牙，味道甜甜地，唔錯😆。 🥢活白鱔(80g)$148燒烤食白鱔好正，油脂豐富，唔怕會燒到好柴，而且燒到啲油迫哂出嚟更加惹味😙。 🥢鮮菠蘿片(8片)$28菠蘿响燒烤發揮很大作用，可減低食肉嘅油膩感又可清新口腔😝。 🥢蔥香月見飯$28紫菜飯食得多，洋蔥飯第一次食，洋蔥清甜，蔥花清香，再加埋非常吸睛橙紅色嘅蛋黃，紫菜飯以外又多個選擇😙。 🥢炸白蝦仔$58新鮮熱辣炸起，沒有厚粉炸漿，鮮甜原味道，超級脆卜卜，有豐富鈣質，佐酒更加一流👍。 🥢海虎蝦(2隻)$88大隻又厚身，鮮甜爽彈😋。 🥢阿波尾雞心(5粒)$32阿波尾雞心比一般雞心較大粒，外面燒到乾哂裏面仍然好juicy ，口感Q彈中帶軟滑😜。 🥢香印青提牛肉卷$88牛肉燒到微微焦濃，令到牛味更濃郁，質地亦相當軟腍，裏面捲住大大粒皮爽多汁又清甜嘅香印，使得整體清新又清爽，口感更加豐富👍。 🍺Sapporo生啤$48生啤買一送一，無理由唔叫囉，而且仲係食燒肉嘅指定動作添🤩。 🍦宇治抹茶最中餅$32完美嘅結局當然係甜品喇，仲要係凍冰冰嘅最中餅，內裡除咗有抹茶雪糕之外仲有甜香紅豆，完滿🈵️。點擊圖片放大 +2 📍驚安燒肉商店金馬倫道48號中國保險大廈3樓C號舖
