知道呢間餐廳有個超癲嘅優惠🤑,就係$1有1隻生蠔🦪,openrice訂座仲有85折添呀🤩,真係超抵,所以決定要嚟試下。叫2個Main Course或1份晚市套餐就可以以極之優惠嘅價錢就可以品嘗到法國生蠔,原價要成$68,而家$1就可以有1隻🤩,每人最多叫5隻,我哋2人就當然有10隻,咁抵當然搶住叫喇🤣。🦪呢款法國生蠔,新鮮爽甜,帶子位超爽,輕微海水味唔會好鹹,同時亦富礦物味,食完口腔亦帶有餘韻,正👍。 🥂氣泡酒$98Val d'Oca - ORO Prosecco Doc Brut N.Y.有咁抵咁好食嘅生蠔當然要叫杯酒嗒下喇😆,飲落酸酸甜甜夠清爽,非常易入口,最緊要係有哂氣氛🤭。 🧆炸法式鱈魚球$98 炸到熱辣辣,表皮香脆,內裡juicy香嫩,鱈魚味夠鮮,雖然炸得完全唔油膩,但配上沙律菜一齊食更顯清新😋。 🥗火炙長腳蟹配芒果青蘋果沙律$178 大大條火炙過嘅長腳蟹,蟹味香濃又鮮甜,再加埋新鮮脆卜卜嘅三文魚籽,並配上甜蜜多汁嘅芒果、爽脆青蘋果及新鮮沙律菜,非常清新好味嘅配搭😋。 🍝蟹肉黑椒蟹膏扁意粉$238 滿滿芝士香,蟹肉蟹膏完全地溶化哂响個醬汁裏面,所以軟硬適中嘅扁意粉沾滿醬汁後入口濃郁滋味,醬汁裏面同時亦配有雜菇及蘆筍,平衡番個口感,濃郁中帶清爽。 🍖西班牙黑毛豬鞍 $268非常厚身嘅豬鞍,表面煎到金黃香脆,內裏juicy多汁,肉質有咬口感之餘亦帶鬆化,肉味甘甜😋。 店員服務非常之好,每度菜都換上一個新碟;環境雖然細細地,但都坐得非常舒服,過咗一個愉快嘅晚上。 📍Green Orange永樂街50號昌盛大廈2樓