餐廳環境開揚闊落,走小清新簡潔風,亦帶有和式日系風格。見到呢間餐廳有晚市二人套餐$538包咗頭盤1客、沙律或餐湯2客、主菜2客、甜品2款及飲品2款。成個套餐嘅食物質素都很好而且份量足。晚市二人套餐$538包咗頭盤1客、沙律或餐湯2客、主菜2客、甜品2款及飲品2款。🧈頭盤• 蒜香辣椒白酒煮蜆蜆肉細細隻但係都好新鮮鮮甜,配上微辣又濃郁蒜香味醬汁,惹味。 🥗沙律或餐湯• 凱撒沙律蔬菜新鮮,有麵包粒及脆煙肉粒,份量都唔少。 • 龍蝦湯+$20超級濃稠creamy ,裏面仲有爽彈蝦粒。 🥩主菜• 烤西班牙伊比利亞豬鞍超厚切豬鞍,表面煎到金黃香口,內裡肉質粉嫩又多汁,外圍嘅豬皮仲好Q彈軟糯;配菜初頭以為係牛油薯仔粒,點知原來係香甜蘋果粒,非常解膩清新,同時亦有無渣爽脆西蘭花苗及爽滑意大利青瓜。 • 香煎脆皮春雞(全隻)放上檯已經聞到好香嘅炸雞香味,果真皮脆肉嫩,就算連雞胸位都唔柴,味道剛好,配上綿腍薯仔及無渣西蘭花苗。 🍰點品• 流心芝士撻 夠哂熱辣,流心效果一流,表面微微焦濃更添香氣,食落超級濃厚鹹香芝士味,撻皮亦富牛油香。 • 檸檬芝士凍餅+$38口感非常creamy ,芝士味夠濃郁並帶着清新嘅檸檬香。 飲品芒果咖啡配椰乳咖啡味超香濃並帶着香甜嘅芒果味,配合椰乳更覺鮮香。 荔枝玫瑰花茶壺上嘅花茶,感覺非常之嘆,浸泡後帶着濃濃嘅荔枝及玫瑰花香味。點擊圖片放大 +2 📍TERA車公廟路18號圍方3樓320號舖