閒遊完觀塘海濱公園，行行下見到呢間餐廳，見佢個lunch menu好多款式而且都好啱食，不過我哋去到嘅時候已經係下午茶時段2:30 - 6:30，同時亦都係好多款式可以揀；餐廳環境好闊落開揚，裝修得好靚，感覺好chill🥰，坐得舒服，全店亦好多打卡位📸。 🍺Hong Kong Beer Amber Ale + 雞軟骨$68啤酒帶着焦糖香氣，飲落充滿花香及熱帶水果味；配合脆脆雞軟骨，爽呀🤩。 🍟麻辣薯條$48麻辣味超濃，啱哂麻辣控嘅我哋，但又唔會好辣，薯條香脆熱辣辣，薯仔味夠香👍。 🍲火炙帶子明太子茶漬飯$98於鮮甜帶子與鹹香明太子丼上淋上清香嘅茶湯，混合成茶漬飯，清爽味鮮，話咁快就食哂成碗飯😆。 🍅蔥蒜蕃茄沙律$68生蒜量多到驚人😂，啱哂喜愛蒜香嘅我哋，蔥花亦唔少，配上鮮甜多汁嘅肉茄，真正食出原味道👍。 🍝黃金軟殼蟹意粉$155看似相當邪惡，但食落完全唔覺油膩，鹹香嘅芝士與鹹蛋黃嘅味道做得相當平衡，同時配上鹹鮮軟殼蟹及蟹籽，鹹香與鹹鮮嘅配搭確實係妙絕🤩。 午市及下午茶時段好抵，轉配其他飲品都只係加$12、凍飲$18及特飲$28，仲可以為客人免費整杯打印咖啡🤠，只要提供想打印嘅相片就得㗎啦。☕️Cappuccino +$12圖案打印得超清楚，而且都好香濃幼滑；可以為你嘅朋友或親人打印杯獨一無二嘅咖啡，佢一定會好驚喜啫😍。 🥛Dirty+$12入口即感受到濃郁而香醇嘅咖啡，繼而慢慢飲到順滑牛奶甜香，味道層次嘅享受🫠。 🍹湯力咖啡+$18香濃嘅espresso加清爽湯力水，清新口感亦帶果香😙。 餐廳打卡位多📸，食物質素高😋，有免費打印咖啡，而且又坐得舒服，感覺非常之chill🥰，優閒地與朋友過咗個下午🤗。點擊圖片放大 +5 📍ASK cafe偉業街223號宏利金融中心B座地下G02號舖
