呢間餐廳嘅裝修帶工業風之餘亦有着木系嘅簡約風格，同時亦帶着滿滿文青嘅氛圍，環境寬敞，坐得舒服，確實係可以chill返晚嘅好地方😚。🍻Happy hour promotion 啤酒套餐$138包括任揀2款啤酒🍺、雞翼🍗及薯條🍟；薯條夠粗身有口感，新鮮熱辣炸起，香脆又夠薯味；雞翼有4隻，輕盈鹽味並帶着清甜嘅蜜糖香，表皮香脆內裡亦夠juicy😋；啤酒方面我哋揀咗健力士黑啤及1664 Blanc白啤，黑啤泡沫豐盈，有烘焙嘅味道，同時亦帶回甘甜味，層次豐富；而1664白啤帶清香花味，輕盈順滑，兩杯啤酒都有500ml大大杯👍。點擊圖片放大 🍝羅勒青醬野菌粗管意粉$148粗管意粉口感煙韌好咬，並沾滿清香嘅羅勒醬，唔膩之餘仲有份清新感，內裡嘅野菌份量都唔少，同時配上車厘茄、松子仁及芝士碎，好味又健康😝。 🥗巴馬火腿火箭菜沙律配意大利香醋汁$128火箭菜係我哋至愛，味道辛辣獨特，巴馬火腿鹹香軟糯，仲配合埋甜香爽脆嘅粒粒哈密瓜，好夾👍。 🍖西班牙乳豬(1/4)$268乳豬皮皮薄香脆，脂香豐盈而甘香四溢，肉質嫩滑，仲有乳豬醬可以點，增添口味，亦配上酸瓜水欖，減低油膩感，同時配合沙律菜及粗身薯條，好豐富👍。點擊圖片放大 +8 📍Potluck Eatery柯士甸道136-138號金門商業大廈地舖
