終於嚟到bookmark咗好耐嘅餐廳喇🥳。🍔手打西冷牛肉原隻大蘑菇漢堡配薯條$156漢堡扒厚身，表面煎得微微焦香，裏面juicy嫩滑亦不失口感，牛味濃郁😋；原隻大啡菇多汁濃香，加埋生菜、芝士及蕃茄，好味；再配上炸得金黃香脆嘅粗身薯條，超有口感，薯味又濃👍；另外見佢有個手打雞肉蝦漢堡配薯條，咁特別，下次都要試下😜。 🍝自家製喇沙汁海鮮扁意粉$138海鮮有爽脆魷魚、鮮嫩蜆肉及爽口鮮蝦，仲有新鮮爽脆嘅秋葵；軟硬適中嘅意粉被清香喇沙醬汁包裹著，唔膩之餘仲有份清新感； 見隔離枱叫咗自家製蒜香四川醬大蝦炒意粉， 睇落都好正，下次都可以試下😝。 🧇薑味麻薯窩夫配栗子蓉及香草雪糕$72 轉雪糕口味加$5麻薯窩夫口感Q彈，薑味夠濃，亦唔會好甜，配上甜滑栗子蓉味道剛好，好甜嘅朋友仲可以添加黑蜜添；我哋由雲呢拿雪糕轉咗喜愛嘅朱古力雪糕，朱古力味夠哂濃郁，同時配上清新爽甜嘅柚子啫喱，整體味道與口感平衡度高👍。 🥞開心果茉莉花醬日式梳乎厘班戟$104梳乎厘班戟表面煎得夠甘香，內裡濕潤而且超有空氣感，蛋香味濃，開心果醬唔會好甜，整體清甜而不膩。 🍸愛爾蘭咖啡$98上層奶泡超棉滑，帶着濃郁肉桂香，下層濃濃咖啡香之外仲夾雜着超香醇嘅 威士忌味道，層次豐富， 啱哂我哋好酒又好咖啡嘅人士😝。 🍹柚子咖啡梳打$64柚子加咖啡加梳打嘅配搭完全無得輸，整體超清爽可口😄。 下次要嚟呢度食lunch，因為呢度食lunch叫個main course即送黑咖啡或伯爵茶，最抵嘅係lunch set可以儲印花，儲滿6個，下次就可以享用一個lunch set嘅main，同時仲附送黑咖啡添🤩。點擊圖片放大 +7 📍HeySoNuts北帝街147號地下3號舖
