木門趟開一刻，就像走進了時光隧道一樣，整個氛圍及播放嘅歌曲，彷彿去到了日本昭和年代嘅居酒屋一樣，好有氣氛🥰。 入到居酒屋，首先當然要睇下有咩飲喇，見佢有個好抵嘅歡樂時光套餐，當然要叫嚟試下喇😝。🍶Happy hour set $128 包2款小食🥡及2杯酒精飲品🍻酒精飲品有梅酒、清酒、生啤及燒酎可選擇，我哋揀咗生啤及清酒；生啤唔使講喇，一個字…爽😝；至於清酒都好正呀，甘辛平衡👍，帶果香味，啱哂初嚐清酒嘅朋友。至於當晚嘅2款小食有👇：•北寄貝沙律：北寄貝爽彈鹹鮮混合沙律醬，清爽。•燒粟米：清甜juicy。 另外我哋叫咗幾款串燒及小食，餸酒都一流👇。🍢紫蘇墨魚卷$50爽彈墨魚配合紫蘇嘅獨特香氣，再加埋脆卜卜嘅蟹籽，滋味又好味😋。 🍢鰻魚白燒$98鰻魚非常厚肉，燒到皮脆肉嫩，質地爽彈，脂香四溢而且鮮甜多汁，正👍。 🍢牛舌$52 厚切牛舌，juicy彈牙，有咬口感。🍢鵪鶉蛋$42口感軟嫩，蛋黃濃香，而且生熟度剛好。 🍢青椒仔 $40爽脆青椒仔配合鰹魚絲嘅鹹香，不錯。🍢銀杏$40 銀杏外皮薄衣燒到好香脆，肉質口感Q彈😋。 🥢燒油甘魚鮫$88魚鮫肉質嫩滑，油脂豐富，配合柚子醋，減膩又好味。 🥢銀雪魚西京燒$98 油香滿溢嘅銀雪魚以西京燒嘅做法，更加突出了魚肉嘅鮮甜、嫩滑及口感😋。點擊圖片放大 +3 📍Keyaki中環和安里14號地舖
