呢間餐廳好特別，餐廳內同時亦有表演舞台，幻想到如果有live show，身處當下氣氛一定相當熱鬧； 餐廳裝修帶點北歐風格，令到人坐得好舒適又放鬆。🥗巴馬火腿沙律$168巴馬火腿微微鹹香，口感煙韌，配上新鮮沙律菜，仲有無花果、蜜柑及琥珀合桃，並用上黑醋汁，整體清爽開胃。 🍝日本刺身帶子雙色麵$248刺身級帶子大大粒又厚肉，並灑上脆卜卜嘅蟹籽，賣相唔錯，雙色麵有口感，每條意粉被濃郁嘅醬汁包裹着，口感creamy亦重質感，裡面仲有蘆筍，濃郁中帶一點清爽。 🍽Ribeye set dinner $288簡單登記入會就可以叫呢個咁抵食嘅套餐👍，包括有烤新西蘭肉眼8安士，配香烤蔬菜、餐湯及紅酒或無酒精飲品。🥩新西蘭肉眼叫咗7成熟，外面煎得甘香，內裡肉嫩juicy，腍得嚟亦不失口感，低層仲有烤蕃薯及南瓜添；估唔到$288呢個價口，有咁好嘅質素，仲有埋餐湯及紅酒添👍。 🥣時日餐湯甘筍湯creamy濃香。 🍷跟餐紅酒酒體輕盈，比較乾身，口感清爽，單寧比較重。雖然當晚無live show，但都會播着悅耳嘅音樂，氣氛咁好，叫多兩杯酒嘆下😆：🍺Lost Star Craft Beer $98清新槐花味，口感順滑清爽，微苦。 🥂Cadanza Prosecco DOC Brut NV (Glera) Italy $108酸酸地好清新清爽，帶有蜜桃味及檸檬味，女士們一定喜歡。 下次嚟嘅時候一定要confirm下幾時有live show先😆。點擊圖片放大 +6 📍Lost Stars Livehouse Bar & Eatery尖沙咀河內道18號K11購物藝術館2樓222A號舖
