朋友試過呢間餐廳嘅烤魚，話係近期食過食價比最高，好食又抵食，非常足料👍；另外仲有串燒都好平，低至十蚊雞有交易🤩，最最抵係生啤只係$48，仲要買一送一添呀😍，講到咁吸引，緊係要飛奔過去試下喇🏃♀️➡️。🐠酸辣金湯酸菜烤魚$298有鱸魚及清江魚可選擇，我哋揀咗清江魚，條魚上檯嘅時候魚皮煎到卜卜脆，非常香口，而被金湯浸耐咗嘅魚皮又非常滑溜，肉質方面嫩滑甘香，而且骨唔多，非常好味，除了酸菜、香芹及芫茜外，並奉送6款配菜包括有娃娃菜、蓮藕、萵筍、豆卜、大豆芽及金菇，湯底方面，酸酸辣辣唔會太搶喉，味道亦剛好。 我哋另外叫咗其他配菜👇：🥢鴨血片$32質地軟滑，酸菜魚配鴨血都好正。🥢寬粉$20Q彈口感，一啖湯汁加一口寬粉，夾呀。🥢鮮腐竹$20鮮腐竹軟腍滑溜，很好嘅配菜。 當然唔少得叫番啲串燒試下喇👇：🥢鹽燒牛舌芯$28爽彈juicy，用少少黑椒及鹽調味已經足夠好味，再唧上少少檸汁口味更為突出。 🥢泰式墨魚鬚$16非常爽脆有嚼勁，仲跟埋個泰式酸辣汁，非常惹味。 🥢孜然燒雞翼$16孜然味超濃，肉嫩juicy 。 🥢甜蜜燒菠蘿$10夠哂清甜，清油解膩之餘仲好好味。 🍹椰青$38冰凍甜蜜又解辣，絕對係食烤魚嘅好配搭。🍹百香果水果茶$28水果茶有新鮮生果，睇落去已經好解渴清爽，味道甜甜地好清新。 🍺生啤$48居然買1送1咁抵，當然要叫喇，配串燒一流。 餐廳好貼心💕，為客人供應圍裙，啱哂我哋呢啲論盡鬼。 朋友確係冇介紹錯，性價比高👍，而且仲坐得好舒服添。點擊圖片放大 📍我要烤魚串燒烤魚專門店旺角通菜街1A-1L號威達商業大廈Deli2 1樓1A號舖
