上次朋友嚟過呢間餐廳咁啱當晚遇上live music🎶，仲飲埋佢哋新推出嘅 cocktail添🍸，佢話同朋友响呢度吹水氣氛認真一流，所以決定嚟輕鬆番晚先😆。 🦪香草白酒芝士藍青口配法包🥖$128藍青口配上香草味濃郁嘅醬汁，裏面仲有好多洋蔥碎及拉絲芝士，濃郁得嚟唔覺膩，感覺仲好清新添，配上一個外脆內軟並帶着濃濃蒜蓉香嘅法包， 超正👍。 🥡蜜糖咖哩脆雞$88以蒸籠盛載着炸雞非常搞野😜，炸雞香脆並帶着清甜嘅蜜糖香，雞肉外脆內軟，配啤酒一流👍。 🐙烤原隻魷魚乾$88造型一流，真係好似成個炭爐咁🤣，魷魚真係好香口，又有嚼勁，一邊趙魷魚一邊同朋友吹水好過癮。 🍖伊比利亞煙燻豬架$228呢個主菜記得拿起手機影相呀📸，揭開蓋一刻煙燻味非常之濃郁，豬架外皮煎得夠香口，肉質嫩滑多汁，油脂甘香，面頭配有開胃酸菜，增進食慾之餘又解膩， 同時亦配有西蘭花苗、蕃茄仔及薯蓉，薯蓉充滿牛油香，呢個豬架配蘋果酒一流👍。 🍺蘇格蘭手工蘋果酒$70甜甜地帶着清新蘋果香及清香蜜糖味，啱哂女仔飲。 🍺Pauwel Kwak$78成組杯連杯架，好獨特嘅造型，啤酒都可以打卡一番，焦糖顏色好靚，口感順滑，麥味濃郁，略帶咖啡味。 今次預唔啱時間睇唔到live music🎶，不過都唔緊要喇，約朋友下次再嚟囉😆。點擊圖片放大 +6 📍吃吧 (僑建大廈)旺角彌敦道566-568號僑建大廈2樓2室
