呢間餐廳絕對係我哋嘅收藏系列之一，無論係餐廳環境以及食物質素都好高👍。入到呢間餐廳就會感受到舒服輕鬆嘅感覺🥰，木系檯椅，日系風格濃厚亦帶點文青氣息🌿，仲有落地大玻璃，環境開揚，檯與檯嘅間距亦相當闊落，最吸睛嘅就係個空中大圓月🌕，打卡一流📸。 晚市套餐包咗沙律🥗或餐湯🥣，我哋兩樣都試咗。🥗沙律都幾大份，沙律菜好新鮮，仲有super food藜麥添，配上芝麻醬，健康清新。 🥣餐湯今日餐湯係南瓜忌廉湯，南瓜味香濃甜香又creamy，仲有兩大舊麵包粒，索埋湯汁食都唔錯。 🍝蒜香野菌海鮮扁意粉$208海鮮有大蝦、青口及帆立貝，裏面仲有大量野菌、紫洋蔥及蕃茄仔，煙韌彈牙嘅扁意粉索滿非常濃香蒜味嘅醬汁，好味😋。 🍔芝士澳洲和牛漢堡伴焦糖洋蔥•田園沙律•炸甜蕃薯條•松露醬$168漢堡可以選擇7成或全熟，我哋揀咗7成，煎得剛剛好，juicy得嚟又富口感，配上焦糖洋蔥帶出獨特風味；另外仲有好粗身嘅薯條，非常香薯仔味，除咗蕃茄醬之外仲有松露醬添，啱哂多心嘅我哋，仲有清新沙律菜中和番個油膩感添，好正👍。 🍹Uji Pomelo Matcha Soda(lced) 跟餐加$44賣相好靚，帶着甜蜜柚香及濃濃嘅抹茶味，味道融合得好平衡😆。 🍹Grapefruit Coffee Tonic(Iced)跟餐加$44打卡一流，有香醇咖啡味之餘亦有清新西柚嘅酸甜味，飲落清新舒爽😙。 🥡炸唐揚廣島縣小池魚$68粉漿好薄，食到池魚嘅原汁原味，配少爺啤一定好正。 🍰黑森林$68朱古力味香濃，但又唔會好甜，底部仲有提子啫哩及果肉，味道濃郁但又不失清爽。 📍Delish Kitchen by ALOT九龍城啟德協調道2號AIRSIDE 3樓L316號舖
