入門口已經見到落地大玻璃及一排卡檯，雖則地方唔大，但感覺完全不焗促；裝修方面相比傳統素食店，呢間舖嘅佈置好有心思，繽紛又雅緻。 🥢椰汁雪耳無花果燉湯$48燉湯熱辣辣，味道濃郁甜香，雪耳軟腍滑溜，飲落暖意入心。 🥢牛油果雜菜沙律$98大大盆新鮮沙律菜，有綿密口感嘅牛油果及多汁嘅車厘茄配上黑醋欖油，青新又健康。 🥢珍貴苜蓿芽手卷$38紫菜包住大大件牛油果、素三文魚及苜蓿芽，沾上醬油，成為一道幾可亂真嘅牛油果三文魚手卷，相對地口感更清新清爽。 🥢香煎腐皮卷$58腐皮卷煎得香脆，內裡包住好多素菜嘅食材，食落juicy味道啱啱好。 🥢忌廉蘑菇濃湯佐菠菜苗(奶)$98菠菜苗嫩腍無渣，同時索滿creamy又濃郁嘅蘑菇湯，令菠菜苗更為嫩滑，整體非常之夾。 🥢燒賣(奶)$42素燒賣口感軟腍，相比肉燒賣少了份油膩感。 🍹百香芒果烏龍茶$38飲落有濃郁嘅烏龍茶香，但亦掩蓋不住清甜濃香嘅百香果汁及芒果汁味，清新開胃。 🫖蜂蜜薑茶$38薑味非常濃郁，加上有適量嘅蜜糖，清甜潤喉，整體清甜辛辣適中，暖身又暖胃。 📍慈素小聚尖沙咀麼地道30號Mody House 8樓
