呢間龍點心絕對係我哋食過嘅點心專門店之中，無論係創意、口味以及精緻度，分數都係非常之高👍。 所以無論係日茶、夜茶甚至乎宵夜，都係好多人，仲有多款新式點心以供選擇；我哋為咗避開人潮，所以大概五點鐘左右到達。🥢歎世界燒賣拼盤 (龍Plus價$62 / 原價$70)叫一籠點心可試齊6款口味，而且款款都非常特色，包括有👇 • 芝士墨魚燒賣：墨魚燒賣非常爽口Q彈，一口咬開立即爆出流心芝士。• 黑蒜帶子燒賣：黑蒜加燒賣嘅配搭出奇地夾又好味，原片黑蒜嗒落甜甜地並帶微酸，燒賣爽口鮮甜，餡料有帶子及鮮蝦。• 黑松露珍香燒賣：聞落已經好香黑松露味，咬落口腔爆發強勁黑松露味，呢款質地比較腍滑軟香。• 泡菜蒜辣燒賣：喜歡辣嘅朋友千祈唔好錯過呢款燒賣，入口爆發泡菜辣香，燒賣彈牙得嚟又帶爽脆泡菜嘅質感。• 冬陰功泰辣燒賣：內藏少少辣又夠濃香嘅冬陰功湯汁，一口爆汁，所以食時要小心啲。• 俄式羅宋燒賣：又喺要小心爆汁，內藏羅宋湯汁，非常濃香又夠特別。 🥢酸菜魚鳳眼餃 (龍Plus價$37 / 原價$42)餡料味道帶着濃郁酸菜魚風味，接近中辣程度啱哂我哋口味，非常惹味好食。 🥢松露野菌晶瑩餃 (龍Plus價$33 / 原價$38)又係好香黑松露味，濃香得嚟又帶點清新，裏面有雜菌、甘筍、粟米及翠玉瓜，吃素也很滋味。 🥢厚切叉燒腸粉 (龍Plus價$42 / 原價$48)腸粉皮夠哂薄，包住非常厚切嘅叉燒，回味。 🥢白灼蘭花苔 (龍Plus價$42/ 原價$48)蘭花苔口感介乎西蘭及芥蘭之間，但味道更鮮嫩青甜爽脆，完全冇渣，亦冇草青味，面頭仲放滿新鮮薑蓉，味道非常之夾。 🍧桃氣寶藏冰 (龍Plus價$86/ 原價$98)以蜜桃爆珠、風乾蜜桃片，白朱古力花花及餅乾 湊拼成賣相一流嘅綿綿冰；綿綿冰裏面原來仲有餡料，有椰果、麥米及洋薏米，非常有心思又好食，整體充滿奶香味，口感幼滑，份量都幾多，可以同朋友一齊分享，啱哂而家盛夏嘅季節。 🫖茶位$12點擊圖片放大 +5 📍龍點心 (中達大廈)尖沙咀海防道38-40號中達大廈1樓
